ᐅᕙᓃᑦᑐᑎᑦ : ᐊᖏᕐᕋᖅ » ᐆᒐᖅ
ᐆᒐᖅ
ᐆᒐᖅ,ᖃᐅᔨᒪᔭᐅᖃᓯᐅᑎᒻᒥᔪᖅ ᖃᓪᓗᓈᓄ ᐃᒫᒃ ᐅᒐᕐ`ᖕ( Ugarng),ᐅᒋᐊᑦ (Uget), ᐊᒻᒪᓗ ᐅᒐᕐ (Ugar)
ᐆᒐᖅ ᐃᓅᓂᑯ 1800–ᓚᐃᑦ ᐊᕐᕌᒍᐃᑦ ᐊᑐᓕᕋᑖᖅᑎᓪᓗᒋᑦ ᓴᓂᐊᓂ ᑲᖏᖅᓲᑉ (Newton Fiord) ᑕᓯᐅᔭᕐᔪᐊᒥ. ᐆᒐᖅ ᐊᖑᓇᓱᐊᕈᓐᓇᑦᓯᐊᓂᕐᒥᓄᑦ ᒥᓇᕋᖅᐸᑦᑐᒥᓂᖅ ᓄᓕᐊᒥᓄᑦ ᐊᑕᐅᓯᐅᙱᑦᑐᓄᑦ, ᖁᓕᓪᓗ ᐱᖓᓱᓂᒃ ᓄᓕᐊᖃᓚᐅᖅᑐᒥᓂᖅ ᐃᓅᓯᕐᒥᓂ. ᐆᒐᖅ ᐃᓅᓇᓱᐊᕐᕕᐊᖃᓕᖅᑐᒥᓂᖅ ᐃᓐᓇᑐᖃᐅᓕᖅᓱᓂ ᖃᓪᓗᓈᓕᒻᒥ ᐊᕐᕙᓂᐊᕐᕕᐅᕙᒃᑐᓂ, ᐃᓛᓐᓂᒃᑯᑦ ᓄᓇᖅᑲᑎᖃᖅᐸᑦᓱᓂ ᐃᐲᕐᕕᒻᒥᒃ, ᑕᖁᓕᑦᑐᖅ, ᔮᓂᕘ ᑭᒪᓗᓗ. ᐃᐲᕐᕕᐅᑉ ᐊᖓᒥᓂᖓ ᐊᒃᑲᖓᓗᑭᐊᖅ. ᐊᑖᑕᖓ ᐊᓈᓇᖓᓗ ᖃᐅᔨᒪᔭᒥᓃᒃ ᒥᐊᓕᒐᒥᐅᓄᑦ ᐃᒫᒃ ᐱᐅᑰᓂᒥᓘᓐ (Pierkoonemeloon) ᐊᒻᒪᓗ ᐆᑭᔮᖅᓯ ᓂᓅ (Ookijoxy Ninoo) ᐆᒐᐅᑉ ᐊᓈᓇᖓ ᐅᓂᒃᑳᕈᓐᓇᖅᑐᒥᓂᖅ ᓇᓗᓇᐃᑦᓯᐊᖅᓱᒋᑦ ᐅᓂᒃᑳᓂ ᒫᑎᓐ ᕗᓘᕕᓲᑉ (Martin Frobisher) ᐃᖏᕐᕋᓂᒥᓂᖓᑕ ᒥᒃᓵᓄᑦ, ᐊᑑᑎᓚᐅᖅᑐᒥᓂᕐᒥᒃ ᑐᖔᓂ ᐊᕐᕌᒍᐃᑦ 2–ᕼᐊᓐᓇᓚᑦ ᐃᓅᓂᒥᓂᖓᑕ. ᐃᓅᓯᖃᑯᑖᓐᓂᖅᓴᒥᓂᖅ ᑭᑐᕐᖓᒥᓂᒃ ᓯᑕᒪᐅᔪᙱᒐᖅᑐᓂᒃ ᑭᓯᐊᓂ ᐆᒐᖅ, ᐊᓈᓇᖓᓗ ᐃᓄᑐᖃᐅᓂᖅᐹᒥᓃᒃ ᑕᒫᓂ ᓄᓇᓕᒻᒥᓂ ᑐᖁᔪᒥᓂᖅ 1860–ᖏᑦ ᐊᕐᕌᒍᐃᑦ ᐊᑐᓕᕋᑖᖅᑎᓪᓗᒋᑦ.
ᑖᒃᑯᐊᑎᑐᑦ ᐊᒥᓱᑎᒍᑦ ᐃᓄᐃᑦ ᑕᒪᓐᓇᐅᑎᓪᓗᒍ, ᐆᒐᖅ ᓄᑦᑕᐸᑦᑐᒥᓂᖅ ᕿᒧᑦᓯᒃᑯᑦ ᐅᒥᐊᕐᔪᐊᑯᓪᓗ. ᐅᖓᓯᑦᑐᓕᐊᖃᑦᑕᖅᓯᒪᔪᖅ ᐅᐊᖕᓇᒧᑦ ᐹᓪᓕᒧᑦ. 1854–ᖑᑎᓪᓗᒍ 1855–ᒧᑦ ᑎᑭᑦᓱᒍ, ᓂᐅᕐᕈᔪᒥᓂᖅ ᒥᐊᓕᒐᐃᑦ ᓄᓇᖓᓄᑦ ᐊᕐᕙᓂᐊᖅᑏᑦ ᐅᒥᐊᖓᓄᑦ ᐊᑎᓕᒻᒧᑦ ᔪᐊᔾᔨᐊᓇᒥᒃ (Georgiana) ᐅᑮᖃᑎᖃᖅᑐᒥᓂᐅᓪᓗᓂᓗ ᐊᕐᕙᓂᐊᖅᑎᓄᑦ ᑲᐱᑕᐃᒥᒃ ᓯᑦᓂ ᐸᑎᖕᑕᐅᑉ ᐃᓚᖏᓐᓂᒃ. ᓂᐅ ᔪᐊᒃ ᓯᑎᒦᙶᓚᐅᖅᓱᓂ (New York City), ᐆᒐᖅ ᐅᖃᐅᓯᐅᓯᒪᔪᖅ ᐅᖃᕐᓂᕆᐊᖓ ᐃᒫᒃ “God damn! ᐊᒥᓲᓗᐊᖅᑐᐊᓗᐃᑦ ᕿᒧᑦᓯᐅᑏᑦ – ᐊᒥᓲᓗᐊᖅᑐᐊᓗᐃᑦ ᐃᓪᓗᐃᑦ – ᐊᒥᓲᓗᐊᖅᑐᐊᓗᐃᑦ ᖃᓪᓗᓈᑦ. ᐊᕐᓇᐃᑦ? ᐋ! ᐊᕐᓇᐃᑦ ᐊᒥᓱᐊᓗᐃᑦ – ᓈᒻᒪᑦᑐᖅ" ᑕᒫᒃ ᐅᖃᕐᓂᒥᓂᖓ ᓇᓗᓇᐃᖅᓯᔪᖅ ᐆᒐᐅᑉ ᐱᐅᒃᓴᕐᓂᖓᓂᒃ ᐊᕐᓇᓂᒃ, ᐊᒻᒪᓗᑦᑕᐅᖅ ᐅᖃᐅᓯᖃᖃᓯᐅᑎᒻᒥᔪᖅ ᓇᓗᓇᖅᑐᒥᒃ ᐃᓅᖃᑎᖃᕐᓂᖓᓂᒃ ᖃᓪᓗᓈᑦ ᐃᓕᖅᑯᓯᖓᒍᑦ ᖃᓪᓗᓈᓂᒃ. ᐊᖏᕈᑎᒋᓯᒪᓪᓗᓂᐅᒃ ᑕᒪᓐᓇ, ᖃᕿᐊᖅᓯᒍᑎᒋᓪᓗᓂᐅᓪᓗ.
ᑕᑯᒍᒃ : ᕼᐋᓪ, ᐅᑭᐅᖅᑕᖅᑐᒦᓐᓂᒥᓂᖓᑕ ᖃᐅᔨᓴᖅᑕᐅᓂᒥᓂᖏᓐᓂ, ᒪᑉᐱᒐᐃ, 102-103
ᐆᒐᖅ ᐊᑐᐃᓐᓇᐅᑎᑕᐅᔪᓂᒃ ᐱᖃᐅᖅᓱᓂ, ᑕᐅᖅᓯᐅᑎᕙᒃᑕᒥᓂᕐᒥᓂᒃ, ᖁᕕᐊᒋᔭᖃᖅᓱᓂ ᐊᒋᐊᕋᕐᕙᓗᒻᒥᒃ, ᐅᖃᐅᓯᖓᓗ ᓇᓗᓇᕋᓂ ᐅᖃᐅᓯᕐᓘᑎᓂᒃ ᐊᑐᖅᐸᓐᓂᖓᓄᑦ ᐃᓕᑕᒥᓂᕐᒥᓂᒃ ᖃᓪᓗᓈᓂᒃ ᑲᑎᒪᒃᓯᕙᑦᓱᓂ. ᐊᕐᕙᓂᐊᖅᑎᓂᒃ ᐃᓚᖃᖅᐸᑦᓱᓂ – ᐱᓗᐊᖅᑐᒥ ᖃᓂᒻᒪᓐᓇᖃᐅᖅᑐᓂᒃ – ᐃᓅᓯᖓ ᐅᓗᕆᐊᓇᖅᑐᓄᑦ ᐊᑦᑐᖅᑕᐅᖃᓯᐅᑎᓯᒪᓪᓗᓂ. 11–ᐸᒋᓕᖅᑕᖓᓂ ᓄᓕᐊᓂ, ᓂᑯᔭ, ᓇᔫᑎᓕᖅᑐᒥᓂᖅ ᑖᒃᓱᒪᒐᑦ ᐅᐃᒥᓂᖓ ᑕᐅᑐᖏᖅᑐᒥᓂᐅᑎᓪᓗᒍ ᖃᓂᒪᓐᓇᕐᒧᑦ ᐊᖑᓇᓱᐊᕈᓐᓇᐃᓕᓪᓗᓂᓗ. ᓄᑭᔭ ᐳᕙᓪᓗᓇᖅᑐᒧᑦᑕᐅᖅ ᑲᓂᒻᒪᑦᑐᒥᓂᖅ. 1860 ᒥᑦᓯᑎᓐᓂ, ᓂᑯᔭ "ᐅᖃᓗᐃᓐᓈᓕᖅᑐᒥᓂᖅ ᓂᐸᐃᕈᓐᓂᑯᒧᑦ...ᐊᒻᒪᓗ [ᐃᒪᐃᑦᓱᓂ] ᐅᖃᕋᓱᐊᕋᓗᐊᕋᒥ ᐋᓐᓂᓚᑦᓯᕙᒃᓱᓂ" ᑐᖁᔪᒥᓂᖅ ᐳᕙᓪᓗᓇᕐᒧᑦ ᒫᑦᓯᐅᑎᓪᓗ 1861–ᒥ.
ᑕᑯᒍᒃ : ᕼᐋᓪ, ᐅᑭᐅᖅᑕᖅᑐᒦᓐᓂᒥᓂᖓᑕ ᖃᐅᔨᓴᖅᑕᐅᓂᒥᓂᖏᓐᓂ, ᒪᑉᐱᒐᖅ, 180
ᐆᒐᖅ ᖃᓄᐃᙱᑲᓐᓂᖅᑐᒥᓂᖅ 1860 ᐊᕐᕌᒍᐃᑦ ᑎᑭᑦᓱᒍ, ᖃᓪᓗᓈᓄᓪᓗ ᐃᖅᑲᓇᐃᔭᖅᑎᒋᔭᐅᒍᒪᕙᒃᓱᓂ ᐊᔪᕐᓇᖏᒐᐃᒻᒪᑦ. ᒥᐊᓕᒐᒥᐅᖅ ᐊᐅᓪᓚᖃᑦᑕᖅᑎ ᐃᖏᕐᕋᓪᓗᓂ ᓵᕈᔅ ᕗᕌᓐᓯᔅ ᕼᐋᓪ ᑕᐃᕙᑦᑕᒥᓂᖓ ᐆᒐᖅ "ᓯᕘᕋᒐᓂ, ᐊᖑᑦᓱᔪᖅ." ᓯᓚᑐᔪᐹᓘᓪᓗᓂ ᐃᓕᓯᒪᑦᓯᐊᖅᑐᖅ" ᐊᒻᒪᓗ "ᕿᖃᖅᓯᓚᐅᖅᓯᒪᒐᓂ ᐊᔪᐃᓐᓇᐸᑦᓱᓂ." ᐆᒐᖅ ᓄᓇᙳᐊᓕᐅᕈᓐᓇᖅᑐᒥᓂᖅ ᖃᐅᔨᒪᓂᖃᑦᓯᐊᖅᓱᓂ ᓄᓇᒥᒃ ᑕᕆᐅᒥᓪᓗ. ᐃᓅᓇᓱᐊᖅᓱᓂ ᐱᓕᕆᕙᒃᓱᓂᓗ ᐃᒻᒥᓂᕿᑦᓱᓂ. ᑐᓴᖅᑐᒥᓂᐅᔪᒃᓴᐅᒐᒥ ᑯᓚᐃᔅᑑᓯᒥᐅᑕᐅᓂᕐᒥᒃ ᐊᕐᕙᓂᐊᖅᑎᓂᒃ ᒥᐊᓕᒐᐃᓪᓗ ᓄᓇᖓᓐᓂ, ᑭᓯᐊᓂ ᐅᐱᒋᔭᖃᐃᓐᓇᖅᓱᓂ ᐊᖓᒃᑯᕐᓂᒃ ᒪᓕᓐᓂᕐᒥᒍᑦ ᐱᖁᔭᖏᓐᓂᒃ ᐊᑐᖅᐸᑦᓱᓂᓗ ᐊᑐᖅᑕᐅᖁᔭᖏᓐᓂᒃ. ᐊᕐᕕᓕᕆᕕᓐᓃᒍᓐᓃᐸᒃᓱᓂᓗ ᑲᒪᒋᔭᒃᓴᓂᓐᓂᕋᐃᒐᒥ ᖁᕕᐊᒋᔭᒥᓂᒃ. ᐊᐅᔭᖓᓂ 1861–ᖑᑎᓪᓗᒍ, ᐆᒪᔪᖃᐅᑦᓯᐊᖅᑎᓪᓗᒍ, ᐆᒐᖅ ᐃᓚᒥᓂᒃ ᐃᓚᖃᖅᓱᓂ ᐅᖓᓯᑦᑐᒧᑦ ᐊᐅᓛᐸᑦᑐᒥᓂᖅ. ᐊᙶᔭᐅᒍᓐᓇᖅᓯᔪᒥᓂᖅ ᐊᒥᓱᓄᑦ ᐃᓄᓐᓄᑦ, ᐃᓚᒋᔭᐅᓪᓗᓂ ᔮᓂᕘ, ᕿᒪᑦᑕᐅᖁᔨᑎᓪᓗᒍ ᐊᕐᕙᓂᐊᖅᑎᓂᒃ ᓇᔪᖅᑕᒥᓄᑦ ᓄᑦᑎᖁᓪᓗᓂᒋᑦ. ᑕᒪᓐᓇ ᑐᑭᑖᕈᑎᒋᔭᐅᓚᐅᖅᑎᓪᓗᒍ ᕼᐋᓪ ᐅᖃᕈᑎᖃᓕᖅᑐᒥᓂᖅ ᐆᒐᖅ ᐃᓄᑐᐃᓐᓇᐅᒋᐊᖓ "ᑕᑎᒋᔭᒃᓴᐅᓗᐊᙱᑦᑐᖅ" – ᐅᖃᐅᓯᐅᒐᔪᒃᑐᖅ ᑕᑎᖃᕐᓗᑎᒃ ᑭᓯᐊᓂᐅᕙᓐᓂᕆᐊᖏᑕ ᖃᓗᓪᓈᑦ ᐊᕐᕕᓕᕆᕕᒻᒦᑦᑐᑦ ᐃᓄᐃᑦ ᐃᓕᖅᑯᓯᕐᒥᓐᓂᒃ ᐊᑐᖅᓱᑎᒃ ᐱᓇᓱᐊᕐᓂᖏᓐᓂᒃ, ᖃᐅᔨᒪᓂᖏᓐᓂᒃ, ᐱᓕᕆᔪᓐᓇᕐᓂᖏᓐᓂᓪᓗ. ᑖᓐᓇ ᐅᓂᒃᑳᖅ ᓇᓗᓇᐃᖅᓯᖃᓯᐅᑎᒻᒥᔪᖅᑕᐅᖅ ᐆᒐᖅ ᖃᓪᓗᓈᑦ ᑎᑭᐅᔾᔭᖏᓐᓂᒃ ᐊᑐᕈᓐᓇᕐᓂᕆᐊᖓ ᑐᓂᓯᒪᕕᒋᓇᓂᐅᒃ ᑮᓇᐅᔭᓕᐅᕋᓱᐊᕈᓯᖓ ᐱᖅᑯᓯᖓᓗ.
ᑕᑯᒍᒃ : ᕼᐋᓪ, ᐅᑭᐅᖅᑕᖅᑐᒦᓐᓂᒥᓂᖓᑕ ᖃᐅᔨᓴᖅᑕᐅᓂᒥᓂᖏᓐᓂ, ᒪᑉᐱᒐᖅ, ᕐᑉᒻ; ᑎᑎᕋᖅᑕᒥᓂᖓ ᓵᕈᔅ ᕗᕌᓐᓯᔅ ᕼᐋᓪ ᓯᑦᓂ ᐸᑎᖕᑕᓐᒧᑦ, ᑕᑯ.ᒥᓂᖅ ᕼᐋᐳᒥ, ᐆᒐᖅ, ᐃᓄᒃ ᓇᒧᙶᔭᖅᑎ ᐊᐅᓪᓚᖃᑦᑕᓂᒃᑯᑦ.””
ᑕᑯᒍᒃ : ᕼᐋᓪ, ᐅᑭᐅᖅᑕᖅᑐᒦᓐᓂᒥᓂᖓᑕ ᖃᐅᔨᓴᖅᑕᐅᓂᒥᓂᖏᓐᓂ, ᒪᑉᐱᒐᖅ, ᕐᑉᒻ;