ᐅᕙᓃᑦᑐᑎᑦ : ᐊᖏᕐᕋᖅ » ᓂᕕᓯᓈᖅ (ᓲᕙᓚᐃ)
ᓂᕕᓯᓈᖅ (ᓲᕙᓚᐃ)
125 Ko
ᓂᕕᓯᓈᖅ (ᓲᐸᓚᐃ) ᐱᖃᑎᖓᓗ, ᓴᓪᓕᐅᑉ ᕿᑭᖅᑕᖓᓂ, ᕼᐊᑦᓴᓐ ᕙᐃ, ᓄᓇȢ
ᐊᒥᓱᒐᓚᐃ ᐊᕐᓇᐃᑦ ᐃᖅᑲᓇᐃᔭᖅᑎᑖᖑᕙᒃᑐᒥᓃᑦ ᐅᒥᐊᕐᔪᐊᓂ ᓂᖅᓯᐅᖅᑎᐅᓪᓗᑎᒃ ᓴᓗᒻᒪᖅᓴᐃᔨᐅᓪᓗᑎᓪᓗ. ᐅᑭᐅᖅᓯᐅᑎᓂᒃ ᐅᑭᐅᒃᑯᑦ ᐊᓐᓄᕌᕆᔭᐅᓂᐊᖅᑐᓂᒃ ᐊᓐᓄᕋᔾᔨᐅᕆᕙᓐᓂᕐᒥᔪᑦᑕᐅᖅ ᑳᐱᑕᐃᖏᓐᓂᒃ ᐃᖅᑲᓇᐃᔭᖅᑎᖁᑎᖏᓐᓂᓪᓗ. ᓂᕕᓯᓈᖅ, ᖃᐅᔨᒪᔭᐅᖃᓯᐅᑎᒻᒥᔪᖅ ᓲᕙᓚᐃᒥᒃ, ᖃᐅᔨᒪᔭᐅᑦᓯᐊᖃᓯᐅᑎᓂᖅᐸᐅᕙᓪᓚᐃᔪᖅ, ᐃᕐᓂᕇᒃ ᐅᓪᓚᓇᖅ-ᒥᒃ ᐊᑎᓕᒃ (ᔮᓐ ᐃᐅᓪ) ᐃᑭᒪᕕᒋᒐᔪᒃᐸᓂᕐᒪᐅᒃ ᑳᐱᑕᐃ ᑰᒧ ᐃᖏᕐᕋᑎᓪᓗᒍ ᑲᖏᖅᓱᒃᑯᑦ. ᑳᐱᑕᐃ ᑰᒧ, ᐊᓯᖏᓪᓗ ᖃᓗᓈᑦ ᑕᒪᐅᓈᖅᐸᑦᑐᒥᓃᑦ, ᐊᒥᓱᓂᒃ ᐊᔾᔨᓕᐅᕆᕙᓐᓂᕐᒥᔪᑦᑕᐅᖅ ᓂᕕᓯᓈᕐᒥ. ᐄ`ᐳ ᐅᖃᐅᓯᖃᕐᒥᔪᖅ ᐃᒫᒃ:
ᐅᕙᑦᓯᐊᕈᙳᖅᐸᓪᓕᐊᑎᓪᓗᒍ ᐃᓄᐃᑦ ᐃᓚᒌᑦ ᐳᐃᒍᖅᓯᒪᓕᖅᑐᑦ ᐃᓚᖏᓐᓂᒃ ᐊᕐᕕᓂᐊᖅᑏᑦ ᐊᖏᔪᖅᑳᒥᓐᓂᒃ ᐊᖏᔪᖅᑳᖏᑕᓗ ᐊᓈᓇᒃᑯᖏᑕ ᐊᑖᑕᒃᑯᖏᑕᓗ ᐊᑎᖏᓐᓂᒃ ᐃᑦᑐᕐᒥᓐᓂᒃ ᓂᖏᐅᒥᓐᓂᓪᓗ. ᑭᓯᐊᓂ ᐳᐃᒍᖅᑕᐅᓯᒪᙱᑦᑐᖅ ᓲᕙᓚᐃ ᐊᑎᕆᔭᐅᓐᓂᕆᐊᖓᓂᒃ ᐊᕐᕕᓂᐊᖅᑎᓄᑦ ᐊᑎᖓ ᓂᕕᓯᓈᑉ, ᑳᐱᑕᐃ ᑰᒨᑉ ᖃᓂᒋᓂᖅᐹᕆᓪᓗᓂᐅᒃ ᐱᖃᑎᒥᓂᖓ, ᐃᒻᒪᖄᓘᓐᓃᑦ ᖃᓪᓗᓈᑦ ᐊᒥᓱᐊᖅᑎᖅᓱᑎᒃ ᐊᔾᔨᓕᐅᕆᕙᓐᓂᕐᒪᑕ ᑖᒃᓱᒪᙵᑦ, ᖃᐅᔨᒪᔭᐅᑦᓯᐊᓂᖅᐹᖅ ᐃᓄᓐᓂ ᐊᕐᓇᓂ ᖃᓪᓗᓈᓄᑦ ᐊᖑᑎᓄᑦ ᐅᖃᐅᓯᐅᕙᑦᑐᒥᓂᖅ ᓇᓪᓕᒍᓱᓐᓂᖃᕐᓂᖓᓂᒃ ᕿᓄᐃᑦᑑᓂᖓᓂᓪᓗ ᓄᖅᑲᔪᐃᑦᑑᓪᓗᓂ (Eber 1989 : 114)
ᑰᒨᑉ ᐊᒃᓯᖅᑕᒥᓂᖓ ᓲᕙᓚᐃᒥᒃ ᑐᓵᔪᒥᓂᐅᑦᓱᓂ ᐃᙱᐅᑎᒥᒃ ᑐᓴᕐᓂᕆᔭᐅᕙᒃᑐᒥᓂᕐᒥᒃ ᒥᐊᓕᒐᕐᓂ ᐅᓇᑕᖅᑐᖃᖅᑎᓪᓗᒍ ᐃᙱᐅᑦ ᐊᑎᓕᒃ "ᓲ ᕙᓚᐃ, ᐸᕝᕕᓴᓐᓇᙵ." (“Shew Fly, Don't Bother Me.”) ᒪᓕᒃᓱᒍ ᐅᖃᐅᓯᒥᓂᖓ ᐃᕐᖑᑕᖓᑕ, ᓄᐊᓯᒪᔭᖏᓐᓃᖃᓯᐅᑎᔪᖅ ᐃᐅᐴᑉ ᐅᓂᒃᑳᖁᑎᖏᓐᓂ. "[ᑰᒧ] ᐊᒃᓯᖅᑕᒥᓂᖓ ᖁᐱᕐᕈᓂᒃ ᖁᐃᓇᓐᓂᑯᒧ ᐸᕝᕕᕙᓐᓂᕐᒪᑦ ᓂᐱᓕᔭᓯᕙᑦᓱᓂ ᐊᒡᒐᒥᓄᓪᓗ ᓴᕿᔭᖅᐸᒃᓱᓂ ᑎᒥᔪᓂᒃ ᖁᐃᓇᒧᓐ" (Eber 1989Â : 114). ᐱᖃᑎᖃᓂᖓ ᖃᓂᒋᔭᖃᕐᓂᖓᓄᑦ ᑳᐱᑕᐃ ᑰᒧᒥᒃ ᐅᖃᓕᒪᒍᑕᐅᓯᕙᒃᑐᒥᓂᖅ, ᐅᓪᓗᒥᓗ ᓱᓕ. ᐃᓚᖏᓐᓄᓐ, ᓲᕐᓗᒎᖅ ᐊᐃᑉᐸᕇᒃᑎᑐᑦ ᐱᕙᒃᑐᒥᓃᒃ, ᐃᓚᖏᓐᓄᓪᓗ ᐅᖃᐅᓯᐅᓯᒪᓪᓗᑎᒃ, ᐱᖃᑎᒌᑐᐃᓐᓇᐅᓐᓂᕆᐊᖏᒃ. ᐃᓚᖏᓐ ᐃᓄᐃᑦ ᐅᖃᖅᓯᒪᓪᓗᑎᒃ ᑳᐱᑕᐃ ᑰᒧ ᐊᑖᑕᒋᔭᐅᒋᐊᖓᓂᒃ ᓂᕕᓯᓈᑉ ᐃᕐᓂᖅᑖᒥᓂᖓᑕ ᑭᑐᕐᖓᑖᑐᐊᕆᓪᓗᓂᐅᒃ, ᑭᓯᐊᓂ ᐅᓪᓚᓈᑉ ᑕᐃᒫᒃ ᑕᑯᓐᓇᖏᑦᑕᖓ," 'ᐄ, ᓂᖏᐅᕋ ᐱᖃᑎᖃᓚᐅᖅᓯᒪᔪᖅ ᑳᐱᑕᐃᒥᒃ, ᑖᓐᓇ [ᐅᒃᐱᒃ] ᐅᖃᖅᑐᒥᓂᖅ. ᐊᓪᓛᓪᓘᓐᓃᑦ, ᐊᔾᔨᙳᐊᖁᑎᓕᒥᓂᖅ ᑳᐱᑕᐃ ᐊᔾᔨᖏᓐᓂᒃ ᑐᔫᓯᐊᖃᑦᑕᖅᑐᒥᓂᐅᓪᓗᓂᓗ ᐱᓕᐅᓯᐊᒥᓂᒃ ᐊᓐᓄᕌᓂᒃ ᓯᒃᑭᓂᓪᓗ. ᑭᓯᐊᓂ ᔮᓐ ᐃᐅᓪ ᐃᓅᓕᖅᓯᒪᓕᖅᑎᓪᓗᒍ ᐊᖓᒃᑯᖅ ᐃᓪᓗᒥᐅᖃᑎᖃᓕᖅᑐᒥᓂᖅ ᓲᕙᓚᐃᒥᒃ. ᓂᖏᐅᕋ ᕿᑐᕐᖏᐅᕈᓐᓇᕈᓐᓃᑎᓪᓗᒍ. ᑎᒍᐊᕆᐊᖃᖃᑦᑕᔪᔪᖅ. ᔮᓐ ᐃᐅᓪ ᐊᐅᖃᔪᙱᑦᑐᖅ ᖃᓪᓗᓈᑉ ᐊᐅᖓᓂᒃ. ᐃᓄᓪᓚᕆᐅᔪᔪᖅ" (Eber 1989 : 115). ᓂᕕᓯᓈᖅ ᑐᖁᔪᒥᓂᖅ ᓴᓪᓕᒥ 1930–ᖏᓐᓂ, ᐋᓐᓂᐊᓂᕐᒧᑦ ᐃᓄᑐᖃᐅᓂᕐᒧᓪᓗ.