ᐅᕙᓃᑦᑐᑎᑦ : ᐊᖏᕐᕋᖅ » ᐃᓄᐃᑦ ᐊᖅᕕᒐᓱᐊᖅᑏᑦ
ᐃᓄᐃᑦ ᐊᖅᕕᒐᓱᐊᖅᑏᑦ
66 Ko
ᖃᔭᖅ ᕿᑭᖅᑖᓘ ᐊᑯᑭᑦᑑᓪᓗ ᐃᒪᖓᓂ, ᑲᐃᑉ ᕼᐃᕙᓐ, ᓄᓇᕗᑦ
ᐱᒋᐊᓕᕋᑖᖅᑎᓪᓗᒋᓪᓕ ᐃᒪᕐᔪᐊᑉ ᐊᑭᐊᓂᒥᐅᑕᐃᑦ ᐊᕝᕙᒐᓱᐊᖃᑦᑕᕐᓂᖏᑦ ᕿᑭᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ, ᐃᓄᐃᑦ ᐱᖃᑕᐅᓪᓚᕆᑉᐸᓂᓐᖏᑦᑐᑦ ᐃᒪᕐᔪᐊᑉ ᐊᑭᐊᓂᒥᐅᑕᐃᑦ ᐊᒥᐊᓕᑲᒃᑯᓪᓗ ᐅᒥᐊᕐᔪᐊᖏᓐᓂ. ᑐᓚᓚᐅᖅᓯᒪᓇᑎᒃ ᐱᓕᕆᕙᓐᓂᕐᖓᑕ, ᐅᒥᐊᕐᔪᐊᕐᒥᑦ ᑭᓴᖅᓯᒪᔪᒥᑦ ᐅᒥᐊᕋᓛᖏᓐᓂᓗ. ᑖᒃᑯᐊ ᐅᒥᐊᕐᔪᐊᑦ ᐅᑭᐊᔅᓵᕈᓕᕋᐃᒻᒪᓐ ᐊᖏᕐᕋᒥᓄᑦ ᐅᑎᖅᐸᑦᑐᒥᓃᑦ.
ᑕᐃᒪᓕ ᐃᒪᕐᔪᐊᑉ ᐊᑭᐊᓂᒥᐅᑕᐃᑦ ᐊᒥᐊᓕᑲᒥᐅᑕᐃᓪᓗ ᐅᑭᐊᓪᓕᖃᑦᑕᓕᕐᖓᑕ ᑎᓄᔾᔨᕕᔾᔪᐊᕐᒥ 1851 ᐱᒋᐊᖅᑐᒍ, ᐃᓄᐃᑦ ᑭᓱᓕᕆᔨᐅᓂᖏᑦ ᐊᕝᕙᒐᓱᐊᕐᓂᕐᒥ ᐊᓯᕈᒻᒪᕆᓚᐅᖅᑐᑦ. ᐊᒥᓱᑦ ᐃᓄᐃᑦ ᐊᕝᕙᒐᓱᐊᖅᑎᕈᓚᐅᖅᑐᐃᑦ ᐊᒻᒪᓗ ᐃᕐᕋᔭᒐᓐᓂᒃᑯᑦ ᐃᑲᔪᓪᓚᕆᑉᐸᑦᑐᒥᓃᑦ ᐊᕝᕙᒐᓱᐊᖅᑏᑦ ᐊᖏᔪᖅᑳᖏᓐᓂᒃ. ᐃᓄᐃᑦ ᐊᕐᓇᖏᑦ ᐃᓛᓐᓂᒃᑯᑦ ᐊᕝᕙᒐᓱᐊᖃᑕᐅᕙᑦᑐᒥᓃᑦ ᐊᒻᒪᓗ ᑐᕚᕆᔭᐅᕙᑦᑐᑎᒃ ᒥᖅᓱᓂᐊᕐᖓᑕ ᐅᖅᑰᓇᖅᑐᓂᒃ ᐊᓐᓄᕌᓂᒃ ᑕᒫᓂ ᓈᒻᒪᑦᑐᓂᒃ. ᐊᒥᓱᑦ ᐃᓄᐃᑦ ᐱᔪᓐᓇᐅᑎᑖᖅᑐᐊᓘᕙᓚᐅᖅᑐᑦ ᐊᐅᓚᑦᑎᔨᐅᓪᓗᑎᒃ ᐊᕝᕙᒐᓱᐊᖅᕕᓐᓂ, ᐅᖃᐅᓯᕐᒥᒃ ᐊᑐᖅᑐᑎᒃ ᖃᓪᓗᓈᑎᑐᐸᓗᒃ ᐃᓄᑦᑎᑐᒃ ᐃᓚᐅᖅᓯᒪᔪᒥ ᑐᑭᓯᔭᐅᒍᓐᓇᖅᑐᒥᒃ ᐊᕝᕙᒐᓱᐊᖅᑎᓄᑦ. ᐊᕝᕙᒐᓱᐊᕐᓇᐅᑎᓪᓗᒍ ᐊᑎᕆᔭᐅᕙᑦᑐᒥᓃᑦ ᑕᒪᒃᑯᐊ ᔮᓂᕘ ᐊᒻᒪᓗ ᑭᒥᓗ, ᑕᓱᒐᓐ, ᐆᒐᖅ, ᐃᐲᕐᕕᒃ ᐊᒻᒪ ᑕᖁᓕᑦᑐᖅ, ᐊᒻᒫᓕᒃ, ᐊᒻᒪᓗ ᐃᑦᑐᐊᖓᑦ ᓱᓕ ᐅᖃᖅᑕᐅᕙᑉᐳᑦ ᕿᑭᖅᑖᓘᑉ ᓂᒋᖓᓂ ᓄᓇᓕᓐᓄᑦ.
76 Ko
ᐅᒥᐊᖅ, ᐅᕝᕙᓘᓐᓃᑦ ᐊᑎᒃᑲᓐᓂᖓ ᐊᕐᓇᐃᑦ ᐅᒥᐊᖓ ᕙᐃᑲᒻ ᕙᐃᒥ, ᕼ&
ᐊᑑᑎᓕᒻᒪᕆᐊᓗᒃ ᖃᐅᔨᒪᓂᖅ ᐃᓄᐃᑦ ᑐᓂᕐᕈᑎᒥᓂᖓ ᐊᔪᕆᖅᓯᐅᔾᔨᖃᑦᑕᖅᑐᑎᒃ ᖃᓄᖅ ᐱᒐᓱᓐᓂᐊᕐᒪᖔᕐᒥᒃ ᐊᑐᖅᑕᐅᖃᑦᑕᓕᔪᒻᒥᔪᖅ ᕼᐊᑦᓴᓐ ᕙᐃ ᑲᖏᖅᑐᐊᓗᐊᓂ ᐊᕝᕙᒐᓱᐊᕐᓂᕐᒥ ᐱᒋᐊᓚᐅᖅᓯᒪᔪᒥ 1860ᒥ. ᐅᒥᐊᕐᔪᐊᑉ ᑳᑉᑕᓐᖏᑦ ᐃᓄᐃᑦ ᐊᖏᔪᖅᑲᐅᑎᖏᓐᓂᑦ ᑐᕚᖃᓕᖅᐸᓪᓕᐊᔪᒥᓃᑦ ᑕᐃᒃᑯᓂᖓ ᐊᖑᑎᒻᒪᕆᒃ, ᓂᕕᓯᓈᖅ, ᒪᓕᑭ, ᐃᑉᐸᖅᑐᖅ, ᑕᓯᐅᖅ ᐊᒻᒪᓗ ᐊᒥᓱᐊᓗᐃᑦ ᐊᓯᖏᑦ. ᐃᓄᐃᑦ ᐊᑐᖅᑐᒻᒪᕆᐅᖏᓐᓇᓚᐅᖅᑐᑦ ᐊᕝᕙᒐᓱᐊᖅᑐᓄᑦ ᑕᐃᑯᖓᓕᒫᖅ ᓄᖅᑲᔪᑎᓪᓗᒋᑦ 1915ᕈᔪᒻᒥ.