ᐅᕙᓃᑦᑐᑎᑦ : ᐊᖏᕐᕋᖅ » ᐅᖃᐅᓯᕐᓂᒃ ᑐᑭᑦᓯᑏᑦ
ᐅᖃᐅᓯᕐᓂᒃ ᑐᑭᑦᓯᑏᑦ
- ᐃᕐᖑᑕᖅ (ᐊᑕᐅᖅ) ᐃᕐᖑᑕᐃᑦ (ᐊᑕᐅᓯᐅᓐᖏᑦᑐᖅ): ᐃᓄᑦᑎᑐᖅ ᐅᖃᐅᓯᖅ ᐃᓅᑉ ᕿᑐᕐᖓᑕ ᕿᑐᕐᖓᖓᓂᒃ ᑕᐃᓯᒍᑕᐅᓪᓗᓂ ᐊᖑᑎᒧᓐ ᐊᕐᓇᒧᓪᓘᓐᓃᑦ.
- ᐃᓄᑦᑎᑐᑦ ᑎᑎᕋᐅᓯᖅ: ᑎᑎᕋᐅᓯᖅ ᐊᑕᐅᓯᖅ ᓂᐱ ᐊᑕᐅᓯᐅᓗᒍ ᑎᑎᕋᖅᑕᐅᓲᖑᕗᖅ; ᐊᖕᓕᑲᒃᑯᑦ ᐊᔪᕆᖅᓱᐃᔨᖓ ᐃᐊᑦᒪᓐ ᔭᐃ ᐱᐊᒃ ᐋᖅᑭᓂᕐᖓᒋᑦ ᐃᓄᑦᑎᑐᑦ ᐊᑐᕋᔅᓴᐅᓪᓗᑎᒃ 1800ᓚᐃᑦ ᐊᕐᕌᒍᑦ ᐊᕝᕙᔅᓯᓯᒪᓕᖅᑎᓪᓗᒋᑦ ᐸᐃᑉᐹᖁᑎᓂᒃ ᐃᓕᓴᑎᑦᑎᒍᒪᒧᓐ ᐅᑭᐅᖅᑕᖅᑑᑉ ᑲᓇᓐᓇᖓᓂ ᐃᓄᓐᓂᒃ.
- ᐃᒡᓗᓕᖕᒥᐅᑦ: ᐃᓄᐃᑦ ᐅᐊᑦᑎᐊᕈᓂᑦ ᐃᖕᓗᓕᐅᑉ ᖃᓂᒋᔭᖓᓂ ᓄᓇᖃᖃᑦᑕᖅᓯᒪᔪᑦ; ᐅᓪᓗᒥᐅᓕᖅᑐᕐᓕ ᐃᒡᓗᓕᒻᒥᐅᑦ ᑐᑭᖃᓕᖅᑐᖅ ᐃᓄᐃᑦ ᐃᒡᓗᓕᒻᒥ ᓄᓇᖃᖅᑐᐃᑦ.
- ᐃᓪᓗ (ᐊᑕᐅᓯᖅ) ᐃᓪᓗᐃᑦ (ᐊᑕᐅᓯᐅᓐᖏᑦᑐᖅ): ᐃᓄᑦᑎᑐᑦ ᐅᖃᐅᓯᖅ ᐃᓪᓗᕕᒐᕐᒧᓐ ᐅᕝᕙᓘᓐᓃᑦ ᐊᖏᕐᕋᖅ ᖁᓛ ᐊᒻᒪᓗᑭᑕᐅᔨᖓᔪᖅ ᓴᓇᓯᒪᔪᖅ ᑭᑉᐹᕆᑦᑐᒡᒍᑎᓂᒃ ᐊᐳᑎᓂᒃ; ᐅᓪᓗᒥᐅᓕᖅᑐᖅ ᑖᓐᓇ ᑕᐃᒍᓯᖅ ᐊᑐᖅᑕᐅᕙᓕᖅᑐᖅ ᐃᓪᓗᒋᔭᐅᕙᓕᖅᑐᓂᒃ ᑕᐃᓯᓪᓗᑎᒃ.
- ᐅᒥᐊᕐᔪᐊᕋᓛᖅ ᑎᖏᕐᕋᐅᑎᓕᒃ: ᐊᒥᕐᔪᐊᖅ ᑎᖏᕐᕋᐅᑎᓕᒃ ᕿᑎᖓᒎᓐᖏᑦᑐᖅ ᓇᐸᕈᑕᓕᒻᒥᒃ (ᐆᑦᑑᑎᒋᓗᒍ ᓯᕗᐊᒍᑦ ᐊᖁᐊᒍᓪᓗ ᐅᒥᐊᕐᔪᐊᑉ ᕿᑎᖓᓂ) ᒪᕐᕉᓐᓂᒃ ᓇᐸᕈᑕᖃᖅᑐᑎᒃ, ᕗᐊᓃᑦᑐᖅ ᓇᐃᓐᓂᓴᐅᓪᓗᓂ ᐅᕝᕙᓘᓐᓃᑦ ᑕᐃᒫᔅᓴᐃᓐᓇᖅ ᐳᖅᑐᓂᖃᖅᑐᓂ ᐊᖁᐊᓃᑦᑐᒥᒃ.
- ᐅᒥᐊᖅ (ᐊᑕᐅᓯᖅ) ᐅᒥᐊᑦ (ᐊᑕᐅᓯᐅᓐᖏᑦᑐᖅ): ᐃᓄᑦᑎᑐᑦ ᐅᖃᐅᓯᖅ ᐅᒥᐊᕐᒧᓐ ᓴᓇᓯᒪᔪᒧᓐ ᕿᔪᓐᓂᑦ ᑎᔾᔭᕐᓗᑯᒥᓂᕐᓂᒃ ᐊᒻᒪᓗ ᐊᐃᕕᐅᑉ ᓇᑦᑎᐅᓘᓐᓃᑦ ᕿᓯᖓᓂᒃ ᐅᓯᔪᓐᓇᖅᑐᓂ 20ᐸᓗᓐᓂᒃ ᐃᓄᓐᓂᒃ ᐊᕐᕌᒎᑉ ᐃᓗᐊᓂ ᓄᓇᓕᖏᑦ ᐊᐅᓪᓛᑐᖅᑎᓪᓗᒋᑦ ᐊᒻᒪᓗ ᑭᖑᓂᐊᒍᑦ ᐊᕝᕕᒐᓱᐊᕈᑕᐅᕙᑦᑐᒥᓃᑦ.
- ᐅᒥᐊᕐᔪᐊᑉ ᖁᓪᓗᒋᐊᖓ: ᖁᓪᓗᒋᐊᕈᓘᔮᖅᑐᖅ ᐃᒪᕕᒻᒥᐅᑕᖅ ᓯᓚᑖᒍᑦ ᓴᐅᓂᓕᒃ ᒥᑭᔫᑎᕈᓘᓪᓗᑎᒃ ᓴᐅᓂᕐᒥᓂᒃ ᐊᑐᓲᑦ ᐳᑑᕆᔾᔪᑎᒋᓪᓗᒍ ᐅᒥᐊᕐᔪᐊᑉ ᕿᔪᖓᓂ ᐊᖅᑲᐅᒪᓂᖓᓂᒃ ᕿᔪᑦᑐᖅᑐᓂᓗ (ᑕᐃᒫ ᐊᑎᖃᖅᑎᑕᐅᕗᖅ ᐅᒥᐊᕐᔪᐊᑉ ᖁᓪᓗᒋᐊᖓ); ᐅᒥᐊᕐᔪᐊᕐᒥᐅᑕᐃᑦ ᐃᓱᒫᓗᑉᐸᑦᑐᒥᓃᑦ ᑕᒪᒃᑯᐊ ᐳᑑᕆᔨᕋᓛᑦ ᓱᕋᐃᓂᐊᖅᑐᒋᓪᓗᒋᑦ ᐅᒥᐊᕐᔪᐊᒥᒃ ᐃᒪᕕᒻᒦᑎᓪᓗᒋ.
- ᐅᔭᕋᒻᒧᓐ-ᑐᓚᑲᑕᓐᓂᖅ: ᓄᓇᐅᑉ ᓯᓈᖓᓂᑦ ᐊᕝᕕᒐᓱᐊᕈᓯᖅ ᐊᑐᖅᑕᐅᕙᑦᑐᒥᓂᖅ ᑕᒫᓂᑐᐊᖅ ᕿᑭᖅᑖᓘᑉ ᓯᓈᓂ ᐅᑭᐊᔅᓵᒃᑯᑦ ᖃᓪᓗᓈᓕᐊᖅᐸᓪᓕᐊᓕᕋᐃᒻᒪᑕ ᓯᑯᔮᓕᖅᑎᓪᓗᒍ" ᐊᕝᕙᒐᓱᐊᖅᑏᑦ ᐅᒥᐊᕐᔪᐊᑦ ᑐᓚᖃᑦᑕᐸᓐᓂᕐᒪᑕ ᐅᖅᑯᐊᓕᓂᓕᓐᓂ ᐊᖑᑎᖏᓪᓗ ᐅᓛᕌᓗᒃᑯᑦ ᐊᐅᓪᓚᐸᑦᑐᒥᓂᐅᓪᓗᑎᒃ ᐅᒥᐊᕋᓛᓄᑦ ᐊᕝᕙᒐᓲᑎᓄᑦ ᐊᖅᕕᐅᖅᑐᑎᒃ ᓄᓇᐅᑉ ᒥᔅᓵᓃᓐᖓᖅᑐᓂᒃ ᐃᒪᕕᒻᒧᓐ ᑐᕌᖅᑐᓂᒃ. ᑕᒪᓐᓇ ᐆᒪᔪᕋᓱᐊᕐᓂᖅ ᐃᓄᖏᓐᓄᑦ ᐊᑦᑕᓇᖅᑐᒻᒪᕆᒥᓂᖅ ᐱᔾᔪᑎᒋᓪᓗᒍ ᐃᓛᓐᓂᒃᑯᑦ ᐅᑎᕈᓐᓇᐃᓪᓕᕙᓐᓂᕐᖓᑕ ᐅᓐᓄᒐᐃᒻᒪᓐ ᐅᑭᐊᔅᓵᒃᑯᑦ ᐊᓄᕆᑐᔪᐊᓘᓕᖅᑎᓪᓗᒍ. ᑕᐃᒪᓕ ᐊᖅᕙᒐᐃᒻᒪᑕ ᐅᒥᐊᕐᔪᐊᑦ ᐃᑲᔪᕆᐊᖅᐸᑦᑐᒥᓃᑦ ᑲᓕᒋᐊᖅᑐᖅᑐᑎᒃ ᐊᖅᕕᒥᓂᕐᒥᒃ ᓄᓇᒧ
- ᐊᐃᕕᓕᒃ/ᐊᐃᕕᓕᖕᒥᐅᑦ: ᐃᓄᐃᑦ ᓄᓇᑐᖃᓖᑦ ᑲᖏᖅᑐᐊᓘᑉ ᐅᐊᓐᓇᖅᐸᓯᖓᓂ ᖃᑎᒃᑕᓕᐅᑉ ᖃᓂᒋᔭᖓᓂ, ᓴᓪᓖᑦ ᕿᑭᖅᑕᖓᓂ ᐊᒻᒪᓗ ᐅᓪᓗᒥᐅᓕᖅᑐᖅ ᐃᓄᐃᑦ ᓄᓇᓕᖏᓐᓂ ᓇᐅᔮᕐᒥ ᐊᒻᒪᓗ ᐃᖕᓗᓕᒑᕐᔪᒻᒥ.
- ᐊᖓᒃᑯᖅ: ᐃᓄᓐᓄᑦ ᐊᑦᑎᖅᑕᐅᒍᑎᒥᓂᖓ ¸¸ᑳᑉᑕᓐ ᔪᐊᔾ ᑰᒧᕐ
- ᐊᖅᕕᒃ: ᐃᒪᕐᒥᐅᑕᖅ ᐳᐃᓪᓗᓂ ᐊᓂᖅᓵᖅᑐᓲᖅ ᐊᐅᖓ ᓂᓪᓕᓇᕋᓂ, ᖃᐅᔨᓴᖅᑎᓄᑦ ᓯᑕᐃᓯᐊᓄᑦ ᐃᓚᒋᔭᐅᔪᖅ, ᒪᕐᕈᐃᖑᓪᓗᑎᒃ ᐊᔾᔨᒌᓐᖏᑦᑐᒡᒍᑏᑦ, ᑭᒍᑎᓖᑦ ᐊᒻᒪᓗ ᓱᖅᑲᓖᑦ.
- ᐊᖅᕕᐅᑉ ᐅᖅᓱᖓ: ᐃᔾᔪᔪᖅ ᑕᖃᓕᒃ ᐅᖅᓱᖅ ᐃᑭᐊᖓᓃᓲᖅ ᒪᑦᑖᓖᑦ ᓂᕐᔪᑏᑦ ᐅᕕᓂᖓᑕ, ᐱᕐᓕᔭᐃᒃᑯᑎᖓ ᐅᖅᓲᔾᔪᑎᖓᓗ, ᐅᖅᓱᖅ ᐱᔭᐅᒐᓱᓛᖑᓐᓂᖅᑯᖅ ᐊᕝᕙᒐᓱᐊᖅᑎᓄᑦ ᑮᓇᐅᔭᓕᐅᕋᓱᐊᖅᑐᓄᑦ. ᐅᖅᓱᖅ ᐃᒪᕈᖅᑎᑕᐅᓪᓗᓂ ᐆᖅᖃᖅᑕᐅᕙᑦᑐᒥᓂᖅ ᑲᑦᑑᓐᓇᓄᑦ ᐊᒻᒪᓗ ᑭᖑᓂᐊᒍᑦ ᑐᖅᑯᖅᑕᐅᓪᓗᓂ ᖃᑦᑕᐅᔭᓄᑦ. ᐊᖅᕕᐅᑉ ᐅᖅᓱᖓᑕ ᑮᓇᐅᔭᓕᐅᕈᑕᐅᔪᓐᓇᕐᓂᖓ ᐊᖏᔪᑲᓪᓚᒥᓂᐅᕗᖅ ᐱᔾᔪᑎᒋᓪᓗᒍ ᑕᐃᔅᓱᒪᓂ ᐊᑐᖅᑕᐅᕙᓐᓂᕐᖓᓐ ᓇᓂᕉᑎᓄᑦ ᐅᖅᓱᔅᓴᕆᔭᐅᓪᓗᓂ, ᐸᑎᐅᔭᔅᓴᐅᓪᓗᓂ, ᖃᓪᓗᓈᖅᑕᓄᑦ ᕿᑐᑦᑐᒐᕐᓄᓪᓗ, ᐊᑦᑐᓈᔅᓴᓄᓪᓗ ᐱᐊᔅᓴᐅᑎᐅᓪᓗᓂ ᐊᒻᒪᓗᑦᑕᐅᖅ ᐅᐊᓴᐅᑎᓕᐅᖅᑐᓄᑦ ᐱᐅᓴᐅᑎᓕᐅᖅᑐᓄᑦ ᐊᑐᖅᑕᐅᕙᓐᓂᕐᒥᔪᖅ.
- ᐊᖅᕕᒃ ᓈᒻᒪᑦᑐᖅ: ᓱᖅᑲᓕᓐᓂᒃ ᐊᖅᕕᐅᖃᑎᓕᒃ, ᐊᑎᖃᖅᑎᑕᐅᔾᔮᓲᖅ ᐊᖅᕕᒃ ᓈᒻᒪᑦᑐᖅ, ᒪᕐᕈᐃᖑᒻᒥᔪᑦ ᐊᔾᔨᒌᑦᑎᐊᖏᑦᑐᑦ ᕙᓚᐃᓂᐊ, ᑖᒃᑯᐊ ᐊᖅᕖᑦ ᐅᑭᐅᖅᑕᖅᑐᒦᓲᑦ ᑕᐃᒪᐃᑦᑐᑐᐊᖑᓪᓗᑎᒃ, ᐊᒻᒪᓗ ᐊᐃᑉᐸᖏᑦ ᔫᕙᓚᐃᓇ, ᐱᖓᓱᓂᒃ ᐊᖅᕕᑦᑕᓕᒃ: ᑲᓇᑕᐅᑉ ᑲᓇᓐᓇᖓᓂ ᐅᑭᐅᖅᑕᖅᑑᑉ ᐃᒪᖓᓂ ᐊᖅᕕᒃ ᓈᒻᒪᑦᑐᖅ ᕕᔅᑲᐃᒥ ᐊᑎᖃᒃᑲᓂᕐᒥᔪᖅ, ᑲᓇᑕᐅᑉ ᐅᐊᓕᓂᖓᑕ ᐃᒪᖓᑕ ᐅᐊᓕᓂᖓᑕ ᐊᖅᕕᖓ ᓈᒻᒪᑦᑐᖅ, ᐊᒻᒪᓗ ᓂᖏᕐᒥ ᐊᖅᕕᒃ ᓈᒻᒪᑦᑐᖅ. ᑖᓐᓇ ᐊᑎᖓ "ᓈᒻᒪᑦᑐᖅ" ᐊᖅᕕᒃ ᐊᕝᕙᒐᓱᐊᖅᑎᓄᑦ ᐊᑦᑎᖅᑕᐅᓚᐅᖅᓯᒪᔪᒥᓂᖅ ᐱᔾᔪᑎᒋᓪᓗᒍ ᐱᒍᒪᔭᐅᔪᓄᑦ ᓈᒻᒪᑎᐊᕐᓂᕐᖓᓐ ᐊᖅᕕᐅᓪᓗᓂ ᐅᖅᓱᖓᓄᑦ ᓱᖅᑲᑯᑖᖏᓐᓄᓪᓗ. ᐊᒻᒪᓗ ᑕᒪᒃᑯᐊ ᑐᖁᖓᓕᖅᑐᑎᒃ ᐊᑯᓂᐊᓗ ᐳᑦᑕᓲᖑᒻᒪᑕ, ᑕᐃᒫᓪᓗ ᐱᒐᓱᐊᕈᒥᓇᖅᑐᒥᓂᐅᒻᒪᑕ. ᑕᐃᒪᐃᑦᑐᖅ ᐊᖅᕖᑦ ᖃᑦᑏᓐᓇᕈᖅᐹᓪᓕᒻᒪᕆᑦᑐᒥᓃᑦ ᓄᖑᑕᐅᒋᐊᑭᓪᓕᒻᒪᕆᑦᑐᑎᒃ.
- ᐱᐊᒃ, ᐃᐊᑦᒪᓐ ᔭᐃᒻᔅ 9ᖕᓐᑦᔾ%ᖕᓪᑉᒃ0: ᐋᖕᓕᑲᒃᑯᓐᓄᑦ ᐊᔪᕆᖅᓱᐃᔨᒥᓂᖅ, ᐃᓕᑕᕆᔭᐅᓯᒪᔪᖅ ᐃᓄᑦᑎᑐᑦ ᑎᑎᕋᐅᓯᕐᒥᒃ ᓴᖅᑮᓂᕐᖓᓐ ᐊᑐᖅᑐᓂ ᔭᐃᒻᔅ ᐃᐊᕙᓐᔅ ᓴᓇᔭᒥᓂᖏᓐᓂᒃ ᐊᓪᓚᓂᒃ ᑎᑎᕋᐅᑖᖅᑎᑎᑎᓪᓗᒍ. ᓯᕗᓪᓕᖅᐹᒥ ᑎᓕᔭᒥᓂᖅ 1876ᖑᑎᓪᓗᒍ ᑯᐸᐃᒃ ᑕᕐᕋᖓᓄᑦ (ᐱᑏᑦ ᕆᕕᐊᕐ ᐊᓚᕕᓚᐃᓐ ᐊᒻᒪᓗ ᑭᖑᓂᐊᒍᑦ ᐳᐊᑦ ᔪᐊᔾᔨᒧᓐ) ᐊᒻᒪᓗ ᑕᐃᑲᓐᖓᑦ ᐃᓄᑦᑎᑐᑦ ᐃᓕᓴᓕᖅᑐᒥᓂᐅᓪᓗᓂ. ᐃᓄᐃᑦ ᐅᑉᐱᓂᕐᒧᓐ ᓵᑦᑎᑕᒥᓂᖏᑦ ᒪᓕᑦᑐᓂ ᑎᐊᑕᒪᑎᑖᖅᑲᐅᓂᒃ ᓛᐸᓱᐊᕐᒥᐅᑎᑐᑦ ᐃᓄᑦᑎᑑᓕᖅᓯᒪᔪᓂᒃ ᒧᕋᐃᕕᐊᓐ ᐊᔪᕆᖅᓱᐃᔨᖏᓐᓄᑦ ᓴᓇᔭᒥᓂᕐᓂᒃ. 1894ᒥ ᐋᔩᖃᑎᖃᓚᐅᖅᑐᓂ ᑯᕌᐳᑦ ᓅᐳᒥᑦ, ᓯᒃᑳᑦᑎᒥ ᑮᓇᐅᔭᓕᐅᕋᓱᐊᖅᑎᒥᒃ, ᐲᑕᕼᐃᐊᑦᒥᐅᑕᕐᒥᒃ ᐊᒻᒪᓗ ᓇᒻᒥᓂᖃᖅᑎᐅᔪᒥᒃ ᐆᒻᒪᓇᕐᔪᐊᕐᒥ ᐊᕝᕙᒐᓱᐊᖅᕕᒻᒥᒃ, ᑎᓂᔾᔪᐊᕕᒻᒨᓂᕐᖓᓐ ᔫᓯᑉ ᓰ ᐋᑯᒥᒃ ᐊᐃᑉᐸᖃᖅᑐᓂ ᑐᔅᓯᐊᖅᕕᓕᐅᖅᑐᒥᓂᖅ ᔭᐃᒻᔅ ᒪᑦᔅᒧᓐ ᓅᕘᑉ ᐃᖅᑲᓇᐃᔭᖅᑎᖓᓄᑦ ᐃᑲᔪᖅᑕᐅᓪᓗᓂ. ᐊᐅᓪᓚᖅᑐᒥᓂᖅ 1895ᒥ ᐊᒻᒪᓗ ᐅᑎᖅᑐᓂ 1897ᒥ ᐸᐃᑉᐹᖁᑎᒡᒋᖅᑐᓂ ᐃᓄᑦᑎᑑᖓᔪᓂᒃ ᐊᒻᒪᓗ ᑐᔅᓯᐊᕕᓪᓚᕆᒻᒥᒃ ᓴᓇᓕᖅᑐᒥᓂᐅᓪᓗᓂ. ᐃᓄᐃᑦ ᕿᑭᖅᑖᓘᑉ ᓂᒋᖓᓃᑦᑐᑦ ᐃᓕᓴᑎᖃᑦᑕᖅᑕᒥᓂᖏᑦ 1905 ᑎᑭᑦᑐᒍ, ᑕᐃᑲᓂᓗ ᐊᕐᕌᒍᒥ ᐊᖏᔪᖅᑳᕈᖅᑐᒥᓂᖅ ᐅᑭᐅᖅᑕᖅᑐᒥ ᑐᔅᓯᐊᕕᓐᓄᑦ ᐋᑐᕚᒥ ᓄᓇᖃᖅᑐᓂ. ᓴᓇᖅᑳᑎᖅᐹᒥᓂᖅ ᐃᓄᑦᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᕐᓂᒃ ᑐᑭᓯᔾᔪᑎᔅᓴᓂᒃ ᐅᖃᓕᒫᒐᕐᓂᒃ, ᑕᐃᒃᑯᐊᓗ ᐃᓅᒍᓐᓃᑎᓪᓗᒍ ᑭᓯᐊᓂ ᐊᒥᓱᓕᐅᖅᑕᒥᓂᐅᓪᓗᑎᒃ ᐅᖃᓕᒫᒐᕈᖅᑎᑕᐅᓪᓗᑎᒃ.
- ᐴᐋᔅ, ᐳᕌᓐᔅ (1858-1942): ᔫᒪᓂᒥ ᐃᓅᓂᑯ ᐅᐊᑦᑎᐊᕈᕐᓂᓴᕐᓂᒃ ᐱᖅᑯᓯᕐᓂᒃ ᖃᐅᔨᓴᖅᑎ ᐅᐊᑦᑎᐊᕈᕐᓂᓴᕐᓂᒃ ᖃᐅᔨᓴᕐᓂᕐᒥ ᐊᐅᓚᑦᑎᔨᐅᖃᑕᐅᒻᒪᕆᑦᑐᒥᓂᖅ ᐊᒥᐊᓕᑲᒃᑯᑦ ᓄᓇᖓᓂ. ᖃᐅᔨᓴᕈᒪᓪᓚᕆᑦᑐᒥᓂᖅ ᕿᑭᖅᑖᓗᒻᒥᐅᓂᒃ ᐃᓄᓐᓂᒃ ᐊᒻᒪᓗ ᑭᖑᓂᐊᒍᑦ ᐊᓪᓚᓂᒃ (ᐃᖅᑭᓕᓐᓂᒃ) ᐅᐊᓕᓂᕐᒥ ᓯᓈᓂᒥᐅᓂᒃ. ᐃᖅᑲᓇᐃᔭᖃᑎᓕᒥᓂᖅ ᑳᑉᑕᓐ ᔭᐃᒪᔅ ᒪᑦᔅᒥ (ᓯᒃᑳᑦᑎ) ᐊᒻᒪᓗ ᔪᐊᔾ ᑰᒧᕐ (ᐊᒥᐊᓕᑲ), ᐊᖏᔪᐊᓗᓐᓂᒃ ᓄᐊᑦᑎᔪᒥᓂᖅ ᐅᓂᒃᑳᓂᒃ ᑖᒃᑯᓄᖓ ᐊᒥᐊᓕᑲᒥ ᓚᕐᔪᐊᕐᒥᐅᑦ ᑕᑯᔭᒐᖃᖅᕕᖓᓄᑦ, ᑕᒫᓃᑦᑐᑎᒃ ᐃᓄᓐᓂ ᐅᑭᐅᖅᑕᖅᑐᒥ ᖃᐅᔨᓴᕆᐊᖅᓯᒪᓪᓗᑎᒃ.
- ᐳᕙᓪᓗᓐᓇᖅ: ᐊᐃᑦᑐᓪᓗᐃᓇᖅᑐᖅ ᐊᓐᓂᐊᖅ ᓴᖅᑭᓲᖅ ᑳᔅ ᖁᐱᕐᕈᕋᓛᖓᓄᑦ ᐊᒻᒪᓗ ᐳᕙᒻᒧᓐ ᓵᓲᖑᓪᓗᓂ ᑭᓯᐊᓂᓕ ᓵᒍᓐᓇᕐᒥᔪᖅ ᓴᐅᓂᕐᓄᒃ, ᓇᒡᒍᐊᓄᓪᓗ, ᖃᕋᓴᒧᓪᓗ, ᕿᓕᖅᓯᓇᕐᓄᓪᓗ, ᐊᐅᒻᒧᓪᓗ, ᐃᕐᕋᕕᓄᓪᓗ ᐊᒻᒪᓗ ᐅᕕᓂᕐᒧᓐ. ᐳᕙᓪᓗᑦᑐᐃᑦ ᖁᐃᖅᓱᕋᔪᑉᐳᑦ, ᑕᖃᖅᑲᒐᔪᑦᑐᑎᓪᓗ, ᐆᓇᖅᑐᑎᒃ ᐅᓐᓄᐊᑯᓪᓗ ᐊᐅᒃᑲᓐᓂᖓᖃᑦᑕᖅᑐᑎᒃ ᐊᒻᒪᓗ ᑎᒥᖏᑦ ᐅᕿᓪᓕᑲᓐᓂᓪᓚᕆᓲᑦ. ᐳᕙᓪᓗᓐᓇᖅ ᓯᐊᒻᒪᓲᖅ ᓯᓚᒃᑯᑦ ᐳᕙᓪᓗᑦᑐᖅ ᖁᐃᖅᓱᓂᖏᒍᑦ ᑕᒋᐅᓐᓂᖏᒍᓪᓗ. ᐅᐊᑦᑎᐊᕈ ᐱᐅᓯᑎᑕᐅᒐᓱᐊᖅᐸᑦᑐᒥᓃᑦ ᐳᕙᓪᓗᒋᐊᖅᑐᕕᓐᓄᑦ ᐊᐅᓪᓚᖅᑎᑕᐅᖃᑦᑕᖅᑐᑎᒃ ᐊᒻᒪᓗ ᓯᓚᒥᒃ ᐊᓂᖅᓵᑐᖅᑎᑕᐅᒐᓱᐊᖅᐸᑦᑐᑎᒃ ᓯᕿᓐᓂᖅᑐᒦᑎᑕᐅᒐᓱᐊᖅᐸᑦᑐᑎᓪᓗ, ᐄᔭᒐᕐᓂᒃ ᐳᕙᓪᓗᓕᔾᔭᐃᒃᑯᑎᓂᓪᓗ ᓴᓇᒋᐅᖅᑐᖃᓚᐅᖅᑎᓐᓇᒍ.
- ᐳᕉᐱᓱ, ᓲᕐ ᒫᑕᓐ 9ᖕᑦᕐᑦ%ᖕᑦᓪᒃ0: ᑯᐃᓐ ᓄᓇᖓᓂᒥᐅᑕ ᐅᑭᐅᖅᑕᖅᑐᒥ ᐅᐊᓕᓂᕐᒧᓐ ᐊᖅᑯᑎᓯᐅᓚᐅᖅᑐᖅ, ᑐᕋᐃᓐᓇᕆᐊᒥᒃ ᕿᓂᓚᐅᖅᑐᖅ ᑳᑕᐃᒧᓐ (ᐃᓐᑎᐊ ᐊᒻᒪᓗ ᓴᐃᓃᓯᒃᑯᑦ ᓄᓇᖓᓄᑦ); ᐱᖓᓱᐊᖅᑎᖅᑐᓂ ᑕᒪᐅᓐᖓᖅᑐᒥᓂᖅ ᐱᖓᔪᐊᓂᓗ ᕌᓴᓘᓴᓐ ᕿᑭᖅᑕᖓᓄᑦ ᓄᖅᑲᖅᑐᒥᓂᐅᓪᓗᓂ ᑲᖏᖅᑐᒥ ᐅᓪᓗᒥ ᐊᑎᕆᓕᖅᑕᖓᓂ. ᓯᕗᓪᓕᖅᐹᒥ ᑕᒪᐅᓐᖓᕋᒥ ᓄᐊᑦᑎᓂᕐᖓᓐ ᐅᔭᕋᓐᓂᑦ ᕿᕐᓂᖅᑕᓂᒃ ᒎᓗᖃᖅᑐᒋᔭᒥᓂᒃ. ᑕᐃᒪᓕ ᑖᔅᓱᒥᖓ ᐅᑉᐱᕈᓱᒃᑲᒥ ᑕᒪᐅᓐᖓᑲᓐᓂᖃᑦᑕᖅᑐᒥᓂᖅ ᐅᔭᕋᑦᑕᕆᐊᖅᑐᓂ ᐊᑭᑐᔪᐊᓗᒻᒥᒃ. ᑕᐃᒪᓕ ᑭᓯᐊᓂ ᐱᖓᔪᐊᓂ ᑕᒫᓃᓚᐅᖅᑐᓂ, ᖃᐅᔨᔭᒥᓃᑦ ᑕᐃᒃᑯᐊ ᐅᔭᕋᐃᑦ ᓄᐊᑕᒥᓂᖏᑦ ᐊᑑᑎᖃᕈᓐᓇᖅᑐᓂᒃ ᐲᔭᐃᕕᐅᔪᓐᓇᓂᓐᖏᑦᑐᑦ, ᑕᐃᒪᓗ ᐳᕉᕕᓲᑉ ᐅᑭᐅᖅᑕᖅᑐᒥ ᖃᐅᔨᓴᕆᐊᖅᑐᖃᑦᑕᕐᓂᖓ ᐃᓱᓕᓐᓂᖅᐳᖅ.
- ᐳᕌᓐᑲᓚᓐ, ᓲᕐ ᔮᓐ 9ᖕᒻᓐᖅ%ᖕᓐᒃᒻ0: ᑯᐃᓐ ᓄᓇᖓᓐᓂᒥᐅᑕᖅ ᐅᓇᓕᖏᑕ ᐅᒥᐊᕐᔪᐊᕐᒥᐅᑕᖏᓐᓄᑦ ᐊᖏᔪᖅᑳᕆᔭᐅᖃᑕᖅ ᐅᑭᐅᖅᑕᖅᑐᒥᓪᓗ ᖃᐅᔨᓴᖅᑎ, ᕗᕌᓐᑲᓚᓐ ᓄᓇᓐᖑᐊᓕᐅᖅᑐᒥᓂᖅ ᐊᒥᓱᑲᓪᓚᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᐱᔾᔪᑎᓕᓐᓂᒃ ᐅᐊᓕᓂᕐᒧᓐ ᐅᑭᐅᖅᑕᑐᒃᑯᑦ ᐊᖅᑯᑎᓯᐅᖅᑐᓂ. 1845ᖑᑎᓪᓗᒍ ᐅᑭᐅᖅᑕᖅᑐᒧᓐ ᐊᐅᓪᓚᑲᓐᓂᖅᑐᒥᓂᖅ, ᑕᐃᑲᓂᓕ ᒪᕐᕉᓐᓂᒃ ᐅᒥᐊᕐᔪᐊᕐᓂᒃ ᑲᒪᒋᔭᖃᖅᑐᓂ ᐃᐊᕋᕙᔅ ᐊᒻᒪᓗ ᑎᐊᕈᕐ ᐊᑎᖏᒃ, ᑭᓯᐊᓂᓕ ᓯᑯᓄᑦ ᐊᔪᓕᕐᓂᕐᖓᑕ ᑭᖕ ᐅᐃᓕᐊᒻ ᕿᑭᖅᑕᖓᑕ ᓴᓂᐊᓂ. ᑕᐃᒪᓕ ᐱᖓᓱᑦ ᐊᕐᕌᒍᑦ ᐊᓂᒍᓕᕐᖓᑕ ᑐᓴᖅᑕᐅᓚᐅᖅᓯᒪᒍᓐᓃᖅᑐᑎᒃ ᓲ ᐳᕌᓐᑲᓚᓐ ᐊᒻᒪᓗ ᐅᒥᐊᕐᔪᐊᕐᒥᐅᑕᖏᑦ, ᑯᐃᓐ ᓄᓇᖓᓐᓂᒥᐅᑕᐃᑦ ᐅᓇᓕᒃᑯᖏᑦ ᐅᒥᐊᕐᔪᐊᓖᑦ ᐸᖅᓴᐃᒐᓱᓕᑕᐃᓐᓇᖅᑐᒥᓃᑦ ᐊᓯᐅᓯᒪᓕᖅᑐᓂᒃ ᐳᕌᓐᑲᓚᓐᑯᓐᓂᑦ, ᐊᓪᓛᑦ ᐱᔾᔪᓯᐊᕐᓂᐊᕐᓂᕋᐃᓪᓗᑎᒃ ᓇᓂᔭᐅᑉᐸᑕ. ᑕᐃᒪᓕ ᐊᒥᓱᐊᖅᑎᐊᓗᒃ ᐅᒥᐊᕐᔪᐊᒃᑯᑦ ᐸᖅᓴᖅᑕᐅᒐᓱᑉᐸᑦᑐᒥᓂᐅᒐᓗᐊᑦ 1800 ᐊᕐᕌᒍᓐ ᐃᓱᓕᒐᓱᐊᕐᓂᖏᓐᓂ ᑯᐃᓐ ᓄᓇᖓᓐᓂᒥᐅᓄᑦ ᐊᒥᐊᓕᑲᒃᑯᓄᓪᓗ ᐳᕌᓐᑲᓚᓐ ᐊᒻᒪᓗ ᐅᒥᐊᕐᔪᐊᕐᒥᐅᑕᖏᑦ ᓇᓂᔭᐅᓚᐅᖅᓯᒪᓐᓂᖏᑦᑐᑦ. ᑎᒥᒥᓃᑦ ᐊᒻᒪᓗ ᕿᒪᒃᑲᑯᐃᑦ ᐅᒥᐊᕐᔪᐊᕐᒥᐅᓄᑦ ᐱᕕᑦᑐᓄᑦ ᕿᒪᑦᑕᒥᓃᑦ ᐊᒻᒪᓗ ᐃᓄᐃᑦ ᐅᓂᒃᑳᖏᑦ ᓇᓗᓴᐃᖅᓯᓯᒪᕗᑦ ᑕᐃᒃᑯᐊ ᐳᕌᓐᑲᓚᓐ ᐅᒥᐊᕐᔪᐊᕐᒥᐅᖁᑎᖏᑦ ᐃᓅᒍᓐᓃᖅᑐᒥᓃᑦ ᐱᕐᓕᕋᖅᑐᑎᒃ, ᕿᐅᓪᓗᑎᒃ, ᓂᕆᑦᑎᐊᖃᑦᑕᓐᖏᓗᐊᒧᓪᓗ ᓄᒃᑭᔅᓴᐅᑎᓕᓐᓂᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᐱᔾᔪᑎᖃᖅᑐᑎᒃ.
- ᑎᒻᑎᐅᕆᐊ: ᐊᐃᑦᑐᓗᓐᓇᖅᑐᖅ ᐋᓐᓂᐊᕐᓇᖅ ᑐᖅᖁᔮᒧᓐ ᐳᕕᓕᕐᓇᒻᒪᕆᑦᑐᖅ ᑐᖅᖁᔮᑉ ᐃᓗᐊᓂ ᐱᕈᖅᑐᖃᓲᖑᒻᒪᓐ ᓂᓪᓕᐊᔾᔪᑎᑦᑕ ᐃᓚᖓᒍᑦ; ᐊᑦᑐᑐᐃᓐᓇᕐᓗᒍ ᐊᐃᑦᑐᖅᑕᐅᓇᖅᑐᖅ ᐅᕝᕙᓘᓐᓃᑦ ᐊᓂᕐᓂᒃᑯᑦ ᑕᐃᒫᓪᓗ ᐃᐱᓂᐊᕐᓇᖅᑐᖅ ᐊᓂᖅᓵᑐᖅᕕᖓ ᖂᑭᓪᓕᓲᖑᒻᒪᓐ, ᐃᒻᒥᓂᒃ ᐊᐅᓚᒍᓐᓇᐃᓕᓇᖅᑐᖅ ᐊᒻᒪᓗ ᐅᕕᓂᒧᓐ ᐃᑉᐱᓐᓂᐊᒍᓐᓃᓇᖅᑐᖅ.
- ᑐᑦᑐ ᐃᓄᐃᑦ: ᐃᓄᐃᑦ ᓄᓇᓖᑦ ᑲᖏᖅᑐᐊᓘᑉ ᐱᖓᓐᓇᖅᐸᓯᖓᓂ ᐅᓪᓗᒥᐅᓕᖅᑐᖅ ᑭᕙᓪᓕᕐᒥ ᓄᓇᕗᒻᒥ.
- ᑕᐃᐸᔅ: ᐋᓐᓂᐊᖅ ᖁᐱᕐᕈᕋᓛᓄᑦ ᕆᑭᑦᓴᐃᒥ ᐊᑎᓕᒻᒧᓐ ᓴᖅᑭᖅᑎᑕᐅᓲᖅ ᖁᐱᕐᕈᕆᔭᐅᔾᔮᓲᓄᑦ ᐊᕕᓐᖓᖅᐸᓐᓄᑦ ᐊᕕᓐᖓᕋᓛᓄᓪᓗ ᐊᓯᖏᓐᓄᓪᓗ). ᐃᓄᓐᓅᓲᖅ ᖁᐱᕐᕈᖅᐸᐅᑕᐅᓂᖅᓴᓄᑦ ᓇᔅᓴᑕᐅᓪᓗᓂ, ᓂᕐᔪᑏᑦ ᐃᓄᐃᓪᓗ ᑯᒪᖏᓐᓄᑦ. ᑕᐃᒪᐃᑦᑐᒥᒃ ᐋᓐᓂᐊᑖᖅᑐᑦ ᑎᒥᖏᑦ ᐆᓇᖅᓯᖅᑳᓲᑦ, ᒥᕆᐊᓐᖑᓕᖅᑐᑎᓪᓗ, ᓂᐊᖁᓐᖑᓕᖅᑐᑎᓪᓗ ᐊᒻᒪᓗ ᓄᑭᖏᑦ ᐋᓐᓂᐊᓕᖅᑐᑎᒃ ᐊᒻᒪᓗ ᑭᖑᓂᐊᒍᑦ ᐱᓕᐅᒥᒋᓪᓗᓂ ᒥᕆᐊᖃᑦᑕᓕᖅᑐᓂ, ᖃᓂᖓᑕ ᐃᓗᐊᒍᑦ ᐊᐅᓈᓕᖅᑐᓂ, ᓱᕐᓗᒃᑯᓪᓗ ᐊᐅᖃᑦᑕᓕᖅᑐᓂ ᐊᒻᒪᓗ ᐅᕕᓂᖓ ᐊᐅᐸᕈᔪᑦᑐᓂᒃ ᐃᑦᑎᓐᖑᐊᖑᕈᔪᑦᑐᓂᒃ ᑕᖅᓴᑖᕐᓇᖅᑐᑦ ᐊᒻᒪᓗ ᖃᐅᔨᒪᑦᑎᐊᖅᑑᔮᕈᓐᓃᕐᓗᓂ. ᐅᐊᑦᑎᐊᕈᓕ ᓴᓇᒋᐅᖅᑐᖃᐆᖅᑎᓐᓇᒍ ᐋᓐᓂᐊᓕᔾᔭᐃᒃᑯᑯᑎᓂᒃ 1943ᒥ, ᑕᐃᐸᔅ ᐊᒥᓱᖅᔪᐊᕌᓗᓐᓄ ᓯᐊᒻᒪᐸᑦᑐᒥᓂᖅ ᐊᑕᐅᑦᑎᒃᑯᑦ ᑐᖁᕋᐅᑕᖅᔪᐊᕌᓘᓪᓗᓂ.
- ᑖᒪᔅ ᓘᔅ ᓇᒻᒥᓂᖃᐅᑎᖓᓗ: ᐊᒥᐊᓕᑲᒃᑯᓐᓂᒥᐅᑕᖅ ᓇᒻᒥᓂᖃᐅᑎ ᓄᓇᓕᒃ ᓂᐅ ᕕᐊᑦᐳᑦᒥ ᒫᓴᑑᓴᑦᔅᓯ ᑮᓇᐅᔭᖃᖅᑎᑦᑎᔪᒥᓂᖅ 36ᕋᖅᑎᖅᑐᓂᒃ ᐊᕝᕙᒐᓱᐊᕆᐊᖅᑐᖅᑐᓂᒃ ᐊᑯᓐᓂᖓᓂ 1886 ᐊᒻᒪᓗ 1903 ᑲᓇᑕᐅᑉ ᐃᒪᕕᖓᑕ ᑲᓇᓐᓇᖓᓂ ᐊᒻᒪᓗ ᑲᖏᖅᑐᐊᓗᒻᒥ; ᑕᐃᓐᓇ ᐱᒋᐊᖅᑎᑦᑎᔪᒥᓂᖅ ᓇᒻᒥᓂᖃᐅᑎᒥᒃ ᐊᑎᕆᓪᓗᓂᐅᒃ, ᐊᐅᓚᑦᑎᕙᑦᑐᒥᓂᒃ ᖃᑦᑕᐅᔭᓕᐅᖅᕕᒻᒥᒃ ᐊᕝᕙᒐᓱᐊᕐᓂᕐᒧᓐ ᓵᖔᓚᐅᓐᖏᓂᕐᒥᓂ. ᐃᓚᖓᑦ ᐅᒥᐊᕐᔪᐊᖅ ᖃᐅᔨᒪᔭᐅᒻᒪᕆᓕᖅᑐᒥᓂᖅ ᐄᕋᒥ ᐊᑎᖃᖅᑐᓂ, ᑳᑉᑕᖃᖅᑐᓂ ᔪᐊᔾ ᑰᒧᒥᑦ. ᐱᒋᐊᖅᑐᑎᒃ 1899ᒥ ᑖᒃᑯᐊ ᓇᒻᒥᓂᖃᐅᑎᖓ ᐊᐅᓚᑦᑎᓂᕐᒥᔪᖅ ᐊᕝᕕᒐᓱᐊᖅᕕᒻᒥᒃ ᑕᐅᖅᓯᕋᐅᑎᕕᒻᒥᓪᓗ ᕙᐃᔪ ᕙᐃᒥ ᑲᖏᖅᑐᐊᓗᒻᒥ ᑭᓯᐊᓂᓕ ᐊᕐᕌᒍᓄ ᖃᑦᑏᓐᓇᕈᓗᓐᓄ. ᑖᒃᑯᐊᓕ ᓇᒻᒥᓂᖃᐅᑎᖓᑕ ᓱᓕᕆᓂᖏᑦ ᓄᖑᑉᐸᓪᓕᐊᔪᒥᓃᑦ ᐊᒻᒪᓗ ᓄᖅᑲᑎᐊᒻᒪᕆᑦᑐᑎᒃ 1905-1906ᒥ ᐅᒥᐊᕐᔪᐊᖓ ᐄᕋ ᓂᐅᕕᐊᖑᒻᒪᓐ ᐅᐊᑉ.ᐃᐊᓐ.ᒫᓐᐳ ᑕᐅᖅᓯᕋᐅᑎᔨᓄᑦ.
- ᑕᓕᖅᐱᒻᒥᐅᑦ: ᐃᓄᐃᑦ ᓄᓇᖃᖅᐸᑦᑐᒥᓃᑦ ᐱᖓᓐᓇᖅᐸᓯᖓᓂ ᑎᓂᔾᔪᐊᖅᕕᐅᑉ ᓇᑦᑎᓕᐅᑉ ᖃᓂᒋᐸᓗᑦᑕᖓᓂ.
- ᑳᓗᕋ: ᐊᓐᓂᐊᕐᓇᖅ ᐊᐃᑦᑐᓗᓐᓇᖅᑐᖅ ᖁᐱᕐᕈᕋᓛᒧᓐ ᑳᒪ ᕙᓯᓕᔅᒧᓐ ᑕᐃᒪᐃᑎᑕᖅ ᐊᒻᒪᓗ ᓯᐊᒻᒪᓲᖅ ᒥᕆᐊᖃᑦᑕᖅᔪᐊᕐᓂᒃᑯᑦ ᖃᑕᓐᓂᑯᓪᓗᒍ, ᑕᐃᒫᓪᓗ ᑎᒥᒧᓐ ᓴᓗᐊᕈᑕᐅᓲᖅ ᐃᓅᒍᓐᓃᕈᑕᐅᓪᓗᓂᓗ ᐋᖅᑭᑕᐅᓐᖏᑉᐸᓐ.
- ᒪᒃᑖᖅ: ᐃᓄᑦᑎᑐᒃ ᐅᖃᐅᓯᖅ ᐊᖅᕕᐅᑉ ᐊᒥᖓᓄᑦ; ᐃᓚᖏᑦ ᐃᓄᐃᑦ ᑐᑭᓯᓇᖅᓯᑎᑦᑎᒐᓱᐊᖅᑐᑎᒃ ᐊᔾᔨᒌᓐᖏᑦᑐᓂᒃ ᑕᐃᒍᓯᓖᑦ ᒪᒃᑖᖅ (ᑑᒑᓕᒥᓂᐅᑉ, ᕿᓚᓗᒐᑐᐃᓐᓇᐅᓪᓗ ᐅᕕᓂᖓ) ᐊᒻᒪᓗ ᒪᒃᑕᒃ (ᐊᖅᕕᐅ ᐅᕕᓂᖓ). ᑖᓐᓇᑦᑕᐅᖅ ᐅᖃᐅᓯᖅ ᑐᑭᖃᕐᓂᔪᖅᑕᐅᖅ ᐃᓄᐃᑦ ᓂᕆᔾᔮᓲᖓᓂᒃ ᐊᖅᕕᒥᓂᐅᑉ ᐅᕕᓂᖓᓂᒃ ᐅᖅᓱᖓᓂᓪᓗ, ᐆᓯᒪᓇᓂ ᓂᕆᔭᐅᔾᔮᓲᖅ.
- ᓇᑯᖓᔪᖅ: ᐃᓄᑦᑎᑐᒃ ᐅᖃᐅᓯᖅ ᑐᑭᓕᒃ "ᐃᔨᒃ ᓇᑯᖓᔫᒃ, ᐅᕗᖓᑦᑎᐊᖅ ᑕᑯᒐᓱᑦᑐᖅᔫᔮᖏᓐᓇᖅᑑᒃ"; ᐃᓄᓐᓄᑦ ᐊᑎᖅᑖᕆᑎᑕᒥᓂᖅ ᑳᑉᑕᓐ ᔮᓐ ᒧᕆᒧᓐ.
- ᓇᑦᓯᐊᒥᓂᖅ: ᓇᑦᑎᐅᑉ ᐃᓅᓯᖓᑕ ᐃᓚᖓ, ᑕᐃᔭᐅᒍᓯᖓ ᓇᑦᑎᐊᖅᓯᑎᒥᑦ ᐊᓂᓯᒪᓕᖅᑎᓪᓗᒍ ᐊᓈᓇᒥᓄᓪᓗ ᕿᒪᑦᑕᐅᓯᒪᓕᖅᑎᓪᓗᒍ. ᑐᑭᖃᖅᑐᖅ ᓇᑦᑎᐊᖑᕋᑖᖅᑐᒥᓂᖅ.
- ᓇᑦᓯᓕᖕᒥᐅᑦ: ᐃᓄᐃᑦ ᓄᓇᖃᖅᑐᑦ ᐅᓪᓗᒥᐅᓕᖅᑐᖅ ᓄᓇᓕᐅᔫᒃ ᐅᖅᓱᖅᑑᖅ ᐊᒻᒪᓗ ᑰᒑᕐᕉᑉ ᖃᓂᒋᔭᖓᓂ.
- ᓯᐊᑦᓇ: ᖃᓪᓗᓈᓄᑦ ᐊᑦᑎᖅᑕᐅᓂᑯ ᐱᒻᒪᕆᐊᓗᒻᒥᑦ ᐃᓄᓐᓄᑦ ᐅᑉᐱᕆᔭᒥᓂᕐᒥᒃ ᐅᓂᒃᑳᖅᑐᐊᓃᑦᑐᒥᒃ, ᑕᐃᓐᓇ ᐃᒪᕕᒻᒥᐅᑕᖅ ᐊᔪᒐᖃᓐᖏᑦᑐᖅ, ᖃᐅᔨᒪᔭᒥᓂᖅ ᐊᑎᖅᑎᒍᑦ ᓴᓐᓇ, ᓄᓕᐊᔪᖅ, ᐅᐃᓂᒍᒪᓱᐃᑦᑐᖅ, ᐅᕝᕙᓘᓐᓃᑦ ᑕᑲᓐᓈᓗᒃ ᐊᕐᓈᓗᒃ, ᐃᓚᐃᓐᓇᖏᓪᓕᑦᑕᐅᖅ ᐊᑎᖏᑕ.
- ᓯᑯᔪᐃᑦᑐᖅ: ᐃᒫᖅ ᐊᕐᕌᒍᓕᒫᖅ ᓯᑯᕙᓐᖏᑦᑐᖅ ᐅᑭᐅᖅᑕᖅᑐᒥ ᓄᓇᕐᔪᐊᓪᓗ ᐊᑖᓂ ᓯᑯᓲᓂ ᑕᐃᒪᐃᑦᑐᖅ ᐳᐃᑦᑕᖅᕕᐅᓂᖓᓄᑦ ᐆᓇᔪᓐᓂᖅᓴᒧᓐ ᐃᒪᕐᒧᓐ ᐃᖅᑲᖓᓂᑦ ᐅᕝᕙᓘᓐᓃᑦ ᐊᓄᕆᒧᓐ ᓯᑯᑦ ᓄᑖᒥᓃᑦ ᑎᑦᑕᐅᑎᑕᐅᖃᑦᑕᖅᑐᑎᒃ ᐃᒪᕐᒥᒃ ᓴᖅᑭᔮᓕᖅᑎᑦᑎᓯᒪᔪᑦ; ᑕᒪᒃᑯᐊ ᐃᒪᐅᖏᓐᓇᖅᑐᑦ ᖁᐱᕐᕈᕋᓛᓕᖅᐹᓘᒻᒪᑕ ᑕᐃᒫᓪᓗ ᐳᐃᔨᓄᑦ ᐅᐸᑦᑕᐅᒐᔪᓲᑦ.
- ᓯᑰᕕ: ᐋᓐᓂᐊᖅ ᓴᖅᑭᓲᖅ ᑎᒥ ᓄᒃᑭᔅᓴᐅᑎᖃᓐᖏᓗᐊᓕᕋᐃᒻᒪᓐ ᓰ-ᒥᒃ, ᑕᐃᒪᐃᑦᑐᓖᑦ ᑕᖃᓴᕋᐃᓕᖅᑳᓲᑦ ᐊᒻᒪᓗ ᐳᓪᓕᓕᖅᑐᑎᒃ ᐊᒥᕐᓗᓕᖅᑐᑎᓪᓗ ᑎᒥᖓᒍᑦ, ᑕᓕᖏᒍᑦ ᓂᐅᖏᒍᓪᓗ. ᓱᒋᐊᖅᑕᐅᖏᑉᐸᓐ ᐋᓐᓂᐊᓖᑦ ᑕᖃᖅᖃᔪᐊᓘᓲᖑᕗᑦ ᑎᒥᖏᑕ ᐃᓚᖏᑦ ᐊᐅᓚᔾᔭᒍᓐᓇᐃᓕᓪᓗᑎᒃ, ᓱᕐᓗᖏᒍᑦ ᐊᐅᖃᑦᑕᖅᑐᑎᒃ ᖃᓂᖏᑕᓗ ᐃᓗᐊᒍᑦ ᐊᐅᓈᖃᑦᑕᖅᑐᑎᒃ, ᐊᒻᒪᓗ ᑭᒍᑎᖏᑦ ᑲᑕᒐᕈᓐᓇᖅᑐᑎᒃ ᐃᓅᒍᓐᓃᕈᓐᓇᖅᑐᑎᓪᓗ. ᐅᒥᐊᕐᔪᐊᕐᒥᐅᑕᐃᑦ ᑕᐃᒪᐃᑦᑐᓂᒃ ᐋᓐᓂᐊᖅᑖᕋᔪᑦᑐᒥᓃᑦ ᐊᑯᓂᐊᓗᒃ ᐃᒪᕕᒻᒦᐸᓐᓂᕐᖓᑕ ᐊᒻᒪᓗ ᓂᕿᓂᒃ ᓱᕋᓐᓂᐅᓴᔪᓂᒃ ᑕᖁᐊᖅᕕᔅᓴᐅᒐᓂ ᑕᒪᒃᑯᓂᖓ ᓂᕿᓪᓚᕆᓐᓂᒃ ᓂᕐᔪᑎᒥᓂᕐᓂᒃ ᐊᒻᒪᓗ ᐱᕈᖅᑐᒥᓂᕐᓂᒃ ᓰᕐᓇᖅᑐᓂᒃ, ᓄᒃᑭᔅᓴᐅᑎᐅᑉ ᓰ ᐱᑕᖃᖅᕕᓪᓚᕆᖏᓐᓂᒃ. ᐊᕝᕙᒐᓱᐊᖅᑏᑦ ᐅᒥᐊᕐᔪᐊᑦ ᐊᔪᕈᑎᖃᕈᓐᓃᖅᑐᒥᓃᑦ ᓄᒃᑭᔅᓴᐅᑎᑭᓗᐊᕐᓂᕐᒥᒃ ᐅᑭᐊᓪᓕᖃᑦᑕᓕᕋᒥᒃ ᐊᒻᒪᓗ ᐱᔪᓐᓇᖅᐸᓕᖅᑐᑎᒃ ᓄᑖᒥᓂᕐᓂᒃ ᓂᕐᔪᑎᒥᓂᕐᓂᒃ ᓂᕿᓂᒃ ᐱᔾᔪᑎᒋᓪᓗᒍ ᐃᓄᓐᓂᒃ ᑲᑎᓯᖃᑦᑕᕐᓂᖏᑦ.
- ᓱᖅᑲᐃᑦ/ᐊᖅᕖᑦ ᓴᐅᓂᖏᑦ: ᑯᑭᐊᓘᔮᖅᑐᐃᑦ ᑕᑭᔪᑯᑖᒡᒍᑏᑦ ᓯᐊᑦᑐᑦ ᐊᖅᕕᐅᑉ ᖃᓂᖓᓂ ᓂᐊᖁᖓᑕ ᐃᓚᖓᓂ ᑐᖅᑲᓕᓐᓂ ᐊᖅᕕᓐᓂ; ᒥᖅᑯᕋᓛᖏᑦ ᑎᒋᖓᓪᓗᑎᒃ ᐃᒪᕐᒥᒃ ᐱᕈᓇᖅᓴᐃᔫᔮᖅᑐᑦ ᑎᓯᔫᑎᑦ ᐅᓂᑦᑕᖅᑐᑎᒃ, ᐊᖅᕕᐅᑉ ᓂᕿᖏᑦ ᐅᓂᑦᑕᖅᑐᑎᒃ ᖃᓂᖓᓄᑦ. ᓱᖅᑲᐃᑦ ᐱᐅᒋᔭᒻᒪᕆᐊᓘᕙᑦᑐᒥᓃᑦ ᐊᑐᖅᑕᐅᕙᓐᓂᕐᒪᑕ ᕿᒧᔅᓯᐅᑎᓄ ᐃᐸᕋᐅᑕᐅᓪᓗᑎᒃ, ᓯᓚᓗᑦᑕᐅᔭᐃᒃᑯᑎᓄᑦ ᓴᐅᓂᕆᔭᐅᓪᓗᑎᒃ, ᐊᒻᒪᓗ ᐊᕐᓇᐃᑦ ᓈᑭᓐᖑᐊᕈᑎᖏᓐᓄᑦ ᐅᖏᕈᑎᓕᓐᓄᑦ. ᑭᖑᓂᐊᒍᓪᓕ ᐊᐅᑦᑕᔫᓄᑦ ᐃᓇᖏᖅᑕᒥᓃᑦ ᐊᓯᖏᓐᓄᓪᓗ ᓴᓇᔭᐅᓲᖑᓕᖅᑐᓄᑦ.
- ᓴᖑᖓᔪᒥᒃ ᓂᐊᖁᓕᒃ ᐊᖅᕕᒃ: ᐊᑎᖃᖅᑎᑕᐅᒻᒥᔪᖅ ᐊᑯᑭᑦᑑᑉ ᐊᖅᕕᖓ ᓈᒻᒪᑦᑐᖅ, ᐅᓇ ᓱᖅᑲᓕᒃ ᐊᖅᕕᒃ ᐃᓅᓯᓕᒫᒥᓂ ᑕᒫᓃᓲᖅ ᐅᑭᐅᖅᑕᖅᑑᑉ ᐃᒪᖓᓂ ᐊᒻᒪᓗ ᐅᑭᐅᖅᑕᖅᑑᑉ ᐃᒪᖓᑕ ᖃᓂᒋᔭᖏᓐᓂ. ᑕᐅᑦᑐᖓ ᕿᕐᓈᖓᔪᖅ. ᐊᓪᓕᕈᖓ ᓴᖑᖓᔪᖅ ᐊᒻᒪᓗ ᐊᓪᓕᕈᖓ ᓂᐊᖁᖓᓃᑦᑐᖅ ᐊᒥᑦᑐᔮᖑᓂᖅᓴᐅᓪᓗᓂ ᐊᒻᒪᓗ ᓂᐊᖁᒃᑭᐊᓘᓐᓗᓂ ᐊᑐᓲᖓᓂᒃ ᓯᑯᒃᑯᑦ ᐃᔾᔪᔪᒃᑯᑦ ᓯᖁᒥᑦᑎᓪᓗᓂ ᐳᐃᔾᔪᑎᒋᓲᖓᓂᒃ ᐊᓂᖅᓵᕐᓂᐊᕋᒥ. ᓱᖅᑲᖏᑦ ᑕᑭᓂᖃᓲᑦ 9ᓂᒃ ᐃᓯᒐᕐᓂᒃ ᐊᒻᒪᓗ ᐅᖅᓱᐊᓗᐊ ᐃᔾᔪᓂᖃᖅᑐᓂ ᐃᓯᒑᓐᓂᒃ ᒪᕐᕉᐸᓘᓐᓃᑦ. ᑕᐃᒪᐃᑦᑐᑦ ᐊᖅᕖᑦ ᐅᑭᐅᖅᑕᑐᒥ ᐊᕝᕙᒐᓱᐊᖅᑎᓄᑦ ᐱᒐᓱᐊᖅᑕᒻᒪᕆᐅᕙᓚᐅᖅᑐᐃᑦ ᑕᐃᒫᓪᓗ ᓄᖑᑕᐅᑲᓴᑦᑐᒥᓂᐅᓪᓗᑎᒃ. ᑕᐃᒫᑦᑕᐅᖅ ᑕᐃᔭᐅᓂᖃᕋᒥ ᐊᖅᕕᒃ ᓈᒻᒪᑦᑐᖅ, ᐱᔭᕆᐊᑭᑉᐸᓚᐅᖅᑐᖅ ᐱᒐᓱᐊᖅᑐᒋᑦ ᓱᒃᑲᐃᒻᒪᓐ ᐊᒻᒪᓗ ᐊᑯᓂ ᐳᑦᑕᓲᖑᓪᓗᓂ ᑐᖁᑕᐅᓯᒪᓕᖅᑐᓂ.
- ᓴᓪᓕᕐᒥᐅᑦ: ᐃᓄᐃᑦ ᓄᓇᓖᑦ ᓴᓪᓖᑦ ᕿᑭᖅᑖᓗᐊᓂ ᖃᓂᒋᔭᖓᓂᓗ ᑲᖏᖅᑐᐊᓗᒻᒥ; ᐅᓪᓗᒥᐅᓕᖅᑐᖅ ᑖᓐᓇ ᐊᑎᖅ ᑐᑭᖃᖅᐸᓕᖅᑐᖅ ᓴᓪᓕᕐᒥᐅᓂᒃ (ᑯᐊᕈ ᕼᐊᕗ).
- ᓘ, ᐋᓪᕗᑦ ᐲᑕ 9ᖕᓐᖅᖕ%ᖕᓪᒃᑉ0: ᕿᓐᖑᒻᒥᒐᐅᔭᖅᑎ ᖃᐅᔨᓴᖅᑎᐅᓪᓗᓂᓗ ᑲᓇᑕᐅᑉ ᒐᕙᒪᒃᑯᖏᑕ ᓄᓇᓐᖑᐊᓕᕆᔨᖏᓐᓄᑦ, ᑖᓐᓇ ᐊᒥᓱᐊᓗᓐᓂᒃ ᐱᑎᑦᑎᓯᒪᔪᖅ ᕿᓐᖑᒻᒥᒐᐅᔭᕐᓂᒥᓂᖏᓐᓂᒃ ᓄᓇᓐᖑᐊᓕᐅᖅᓯᒪᔭᖏᓐᓂᓪᓗ ᓇᓗᓇᐃᖅᑐᑎᐊᖅᓯᒪᔪᓂᒃ ᓛᐸᑐᐊᑉ ᓄᕗᖅᔪᐊᖓᓂᑦ, ᑯᐸᐃᒃ ᑕᕐᕋᖓᓂᑦ ᐊᒻᒪᓗ ᑲᖏᖅᑐᐊᓗᒻᒥᑦ; 1903ᒥᑦ-1904ᒧᓐ, ᓯᕗᓕᐅᖅᑎᐅᓚᐅᓯᒪᔪᖅ ᐱᒻᒪᕆᐊᓗᒻᒥᒃ ᑲᓇᑕᒥᐅᓄᑦ ᖃᐅᔨᓴᕆᐊᖅᓯᒪᔪᒥᓂᕐᓄᑦ ᐅᑭᐅᖅᑕᖅᑑᑉ ᑲᓇᓐᓇᖓᓄᑦ ᐃᑭᒪᓪᓗᓂ ᐅᒥᐅᕐᔪᐊᒧᓐ ᓂᐊᑉᑑᒻᒥ ᐊᑎᓕᓐᒧᓐ ᐃᓚᖃᖅᑐᓂ ᖃᐅᔨᓴᖅᑎᕈᓘᔭᕐᓂᒃ ᐊᒻᒪᓗ ᑲᓇᑕᐅᑉ ᐸᓖᓯᒃᑯᖏᓐᓂᑦ. ᑕᐃᑲᓂ ᓯᕗᓪᓕᐹᑦᑎᐊᒥ ᑲᓇᑕ ᓱᒋᐊᖅᑐᒥᓂᖅ ᓇᓗᓇᐃᖅᓯᒐᓱᐊᖅᑐᓂ ᓇᒻᒥᓂᖃᕐᓂᕐᒥᓂᒃ ᐅᑭᐅᖅᑕᖅᑐᒥᒃ.
- ᕗᐊᒪᐅ, ᒪᑕᐃᔭᔅ: ᒧᕋᐃᕕᔭᓐ ᐊᔪᕆᖅᓱᐃᔨ ᐊᑯᑭᑦᑐᓂ ᐃᖅᑲᓇᐃᔭᖅᑐᒥᓂᖅ ᐊᒻᒪᓗ ᓯᕗᓪᓕᐹᑦᑎᐊᖑᓪᓗᓂ ᐊᔪᕆᖅᓱᐃᔨᐅᓪᓗᓂ ᑎᓂᔾᔪᐊᕕᒻᒨᖅᑐᒥᓂᖅ (1875ᒥ); ᒪᓕᑦᑐᒥᓂᖅ ᓯᒃᑳᑦᑎᒃᑯᑦ ᐊᕝᕙᒐᓱᐊᖅᑎᖓᓂᒃ ᑳᑉᑕᓐ ᐅᐃᓕᐊᒻ ᐱᐊᓂᒥᑦ, ᓄᓕᐊᖓᓂᓪᓗ ᒫᒡᒍᓚᒥᑦ ᐃᕐᓂᖓᓂᓪᓗ ᐅᑭᐊᓪᓕᔪᒥᓂᐅᓪᓗᑎᒃ ᕿᑭᖅᑕᓂ. ᒪᑕᐃᔭᔅᓕ ᖁᓅᒻᒥᔪᐊᖅᑐᒥᓂᖅ ᒧᕋᐃᕕᐊᓐ ᑐᔅᓯᐊᖅᕕᓕᕆᔨᖏᑦ ᑐᔅᓯᐊᖅᕕᓕᐅᕈᒪᓐᓂᖏᒻᒪᑕ ᑕᒫᓂ, ᐊᒻᒪᓗ ᐅᑉᐱᓕᖅᑎᑦᑎᒐᓱᐊᕐᓂᖓ ᕿᑭᖅᑖᓗᒻᒥ ᓴᖅᑭᓚᐅᖖᒌᓇᖅᐳᖅ ᐊᖕᓕᑲᒃᑯᑦ ᐊᔪᕆᖅᓱᐃᔨᖓ ᐱᐊᒃ ᑎᑭᓚᐅᓐᖏᓐᓂᖓᓂ 40 ᐊᕐᕌᒍᐃᑦ ᑭᖑᓂᐊᒍᑦ.
- ᕉᐳᑦ ᓄᓇᖁᑖ: ᓄᓇ ᐱᖃᓯᐅᔾᔨᔪᖅ ᑲᖏᖅᑐᐊᓘᑉ ᐃᒪᓕᒫᖓᑕ ᓄᓇᖓᓂᑦ ᑭᖕ ᓵᔅ ᐊᐃᑉᐹ ᐃᖕᖓᓚᒥᐅᑕᖅ ᑳᑉᐸᓂᒃᑯᓐᓂᑦ ᐃᓄᑑᔾᔨᑎᑦᑎᓪᓗᓂ ᑐᓂᓯᓐᓂᕐᖓᓐ 1670ᒥ; ᐊᑎᖓ ᑕᕝᕙᖔᖅᑐᖅ ᑭᖕ ᐃᕐᓂᖓᓂᑦ ᕉᐳᑦᒥᑦ, ᑳᑉᐸᓂᒃᑯᓐᓄᑦ ᐊᖏᔪᖅᑳᖑᒋᐊᓐᖓᖅᑐᒥᓂᕐᒥᒃ. 1870ᒥᓕ ᐱᖓᓱᑦ ᐊᕐᕌᒍᒃ ᑲᓇᑕᕈᖅᓯᒪᓕᖅᑎᓪᓗᒍ ᑲᓇᑕ, ᑲᓇᑕᐅᑉ ᒐᕙᒪᖓ ᓂᐅᕕᖅᑐᒥᓂᖅ ᑖᔅᓱᒥᖓ ᓄᓇᕐᔪᐊᕌᓗᒻᒥᒃ ᐅᓪᓗᒥ ᑯᐸᐃᒃ ᑕᕐᕋᖓ, ᐊᓐᑎᐊᕆᐅᑉ ᐅᐊᓐᓇᖓ, ᓄᓇᕗᑦ ᓂᒋᖓ, ᒫᓂᑑᕙᓕᒫᖅ, ᒫᓐᑖᓇ, ᐊᒻᒪᓗ ᐅᐊᓐᓇᖓ ᐊᒻᒪᓗ ᓂᒋᖓ ᑕᑰᑕᐅᑉ ᐊᒥᐊᓕᑲᒃᑯᓐᓂ.
- ᕌᕗᑦ ᑭᓂᔅ ᐃᕐᓂᕇᑦ ᓕᒪᑎᑦ: ᑖᒃᑯᐊ ᐃᓚᒋᔭᒥᓃᑦ ᓯᒃᑳᑦᑎᒃᑯᑦ ᓇᒻᒥᓂᖃᐅᑎᖓᓄᑦ ᑕᐃ ᐊᖅᕕᒐᓱᐊᖅᑏᑦ ᑕᓐᑏᒥ ᓄᓇᓖᑦ ᐱᒋᐊᖅᑎᑕᐅᓚᐅᖅᓯᒪᔪᒥᓃᑦ ᑕᐃᒥ ᐊᑎᓕᒻᒧᓐ 1883ᒥ ᑕᐅᖅᓯᕋᐅᑎᔪᓂᒃ ᑲᒪᔨᐅᓂᐊᕐᖓᑕ; ᕌᕗᑦ ᑭᓂᔅ ᐊᒥᐊᕐᔪᐊᖁᑎᖏᑦ ᐊᒻᒪᓗ ᑕᐃ ᓇᒻᒥᓂᖃᐅᑎᖓ ᐱᒻᒪᕆᐊᓘᓐᓂᖅᐴᒃ ᐃᓚᖃᖅᑐᑎᒃ ᐅᒥᐊᕐᔪᐊᓂᒃ ᐆᓇᔅᑦ ᐅᐃᓕᐊᒻᔅ ᐊᒻᒪᓗ ᕿᔪᔅᓴᑐᖅᑐᖅ ᐋᒃᑎᕝ. ᐊᕝᕙᒐᓱᐊᕐᓂᖅ ᓄᖅᑲᐸᓪᓕᐊᓕᖅᑎᓪᓗᒍ, ᑖᒃᑯᐊ ᓇᒻᒥᓂᖃᐅᑎᖓᓐ ᑕᐅᖅᓯᕋᖅᑎᑏᓐᓇᖅᐸᓚᐅᖅᑐᖅ ᐅᑭᐅᖅᑕᖅᑐᒥ ᐊᒻᒪᓗ ᐅᔭᕋᓐᓂᐊᖅᕕᖃᖅᑐᑎᒃ ᐊᓕᒍᔅᓴᓂᒃ ᑭᒻᒥᕈᕐᒥ (ᑕᐃᔅᓱᒪᓂ ᐊᑎᓕᒥᓂᖅ ᓚᐃᒃ ᕼᐊᕗ). ᑖᒃᑯᐊᓕ ᓯᑳᑦᑎᒃᑯᑦ ᓄᓇᖓᓂ ᓱᓕ ᐊᐅᓚᔪᑦ, ᑭᓯᐊᓂᓕ ᐅᑭᐅᖅᑕᖅᑐ