ᐅᕙᓃᑦᑐᑎᑦ : ᐊᖏᕐᕋᖅ » ᐊᖅᕕᒐᓱᐊᕐᓂᕐᒧᓐ ᖃᐅᔨᒪᔨᑕᖅᔪᐊᑦ
ᐊᖅᕕᒐᓱᐊᕐᓂᕐᒧᓐ ᖃᐅᔨᒪᔨᑕᖅᔪᐊᑦ
144 Ko
ᑳᑉᑕᓐ ᑕᕙᔪ. ᐋᑕᒻᔅ ᐊᖅᕕᒐᓱᐊᕈᑎᒥ ᐅᒥᐊᕐᔪᐊᕐᒥ ᒫᑦ
ᐊᖅᕕᒐᓱᐊᕐᓂᖅ ᐅᑭᐅᖅᑕᖅᑑᑉ ᐃᒪᖓᓂ ᐅᓗᕆᐊᓇᖅᑐᒻᒪᕆᐅᓐᓂᖅᐳᖅ ᐱᖃᑕᐅᕕᒋᒋᐊᖓ. ᑕᐃᒃᑯᐊ ᐅᒥᐊᕐᔪᐊᑦ ᑳᑉᑕᖏᑦ ᐅᒥᐊᖅᑐᑎᒻᒪᕆᑐᐃᓐᓇᐅᓚᐅᓐᖏᓚᑦ ᐱᒡᒐᓇᖅᑐᒃᑯᑦ, ᑭᓯᐊᓂᓕ ᖃᐅᔨᒪᔪᒻᒪᕆᐅᓐᓂᕐᒥᔪᑦ ᐊᖅᕕᒐᓱᐊᕐᓂᕐᒥᒃ. ᑕᐃᒫᓪᓕ ᑐᓴᐅᒪᔭᐅᓐᖏᓂᖅᓴᐅᒐᓗᐊᖅᑐᑎᒃ ᐊᓯᖏᓐᓂᒃ ᐅᑭᐅᖅᑕᖅᑐᒥᒃ ᖃᐅᔨᓴᕆᐊᖅᑐᒥᓂᕐᓂᒃ ᑭᒃᑯᑐᐃᓐᓇᕐᓄᑦ ᑐᓴᖅᑕᐅᒍᒪᕕᐅᑎᓲᓄᑦ, ᐊᖅᕕᒐᓱᐊᕐᓂᕐᒧᓐ ᖃᐅᔨᒪᔨᑕᖅᔪᐊᑦ ᐊᔪᕆᖅᓯᐅᔾᔨᔾᔮᕙᑦᑐᒥᓃᑦ ᖃᐅᔨᓴᕆᐊᖅᑐᓂᒃ ᐊᖅᑯᑎᒋᓂᐊᖅᑕᖏᓐᓄᑦ ᐅᑭᐅᖅᑕᖅᑑᑉ ᐃᒪᖓᓂ ᐊᒻᒪᓗ ᐃᓄᑦᑎᑐᑦ ᐃᓅᒐᓱᐊᕐᓂᕐᒥᒃ ᐃᓕᒋᐊᖃᕐᓂᓪᓚᕆᒻᒥᒃ ᐊᓐᓇᐅᒪᓂᐊᕈᑎᒃ ᓂᓪᓚᓱᑦᑐᐊᓗᒻᒥᒃ ᓯᓚᓕᒻᒥᒃ.
ᐊᖅᕕᒐᓱᐊᕐᓂᕐᒧᓐ ᖃᐅᔨᒪᔨᑕᖅᔪᐊᑦ ᖃᐅᔨᒪᕙᑦᑐᒥᓃᑦ ᐊᐅᓪᓚᖅᓯᒪᓂᖓ ᐊᐅᓚᑲᒻᒪᒍᓐᓇᕐᒪᓐ: 19 ᑯᐃᓐ ᓄᓇᖓᓐᓂᒥᐅᑕᐃᑦ ᐅᒥᐊᕐᔪᐊᑦ ᓯᑯᒧᓐ ᓯᖁᓪᓗᖅᑕᒥᓃᑦ ᑕᐃᕕᔅ ᓯᑐᕋᐃᑦᒥ ᐊᕐᕌᒍᒥ ᐊᑕᐅᓯᕐᒥ 1830ᒥ. ᐊᖏᕐᕋᖏᓐᓂ ᑐᓚᑦᑕᖅᕕᖏᓐᓂ ᑲᒪᓇᕐᓂᓐᖏᓚᖅ ᑕᑯᐃᓐᓇᕆᐊᔅᓴᖅ ᐱᓚᓪᓕᐊᔪᓂ ᐅᖃᓕᒫᒐᕐᓂ ᐅᖃᖅᓯᒪᔪᓂᒃ "ᐊᖅᕕᒐᓱᐊᖅᑎ ᐅᒥᐊᕐᔪᐊᖅ ᐊᓯᐅᔪᖅ ᐅᒥᐊᕐᔪᐊᕐᒥᐅᓕᒫᖏᑦ ᐊᓯᐅᖃᓚᐅᓪᓗᑎᒃ". ᐅᒦᔭᕐᓂᒃᑯᑦ ᐊᓯᐅᓐᓂᖅᑯᑦ ᐃᓄᓐᓄᒃ ᖃᐅᔨᒪᔭᒻᒪᕆᒥᓃᑦ ᐅᒥᐊᕐᔪᐊᑦ, ᑕᐃᒃᑯᐊ ᐋᒃᑎᕝ, ᓴᑐᐃᓵᓐᑎ, ᐄᕋ, ᐆᓂᐊᔅᑦ ᐅᐃᓕᐊᒻᔅ, ᑎᓕ, ᐃᓲᓐᔨᐊᓐ, ᐊᐃᑏ ᒋᐳᑦ, ᐱᓐᕚᒃ, ᐴᓗ ᓯᑖ, ᐊᒻᒪᓗ ᔪᐊᔾ ᕼᐃᐊᓐᓄᓕ, ᐃᓚᐃᓐᓇᖏᑦ ᖃᑦᑏᓐᓇᕈᓗᐃᓪᓕᑦᑕᐅᖅ ᑕᐃᓗᒋᑦ.
ᐃᓛᓐᓂᒃᑯᑦ ᓯᓚᕈᔪᒻᒥᒃ, ᓯᑯᓂᒃ, ᐅᔭᕋᓐᓂᓪᓗ ᐅᒦᔭᕈᑎᖃᖅᐸᓚᐅᖅᐳᑦ, ᐃᓛᓐᓂᑯᓪᓗᑦᑕᐅᖅ ᐃᑭᑦᑐᑎᒃ ᓄᖑᑉᐸᓚᐅᕐᒥᔪᑦ ᐳᑦᑕᓂᓕᒫᖏᑦ. ᓂᓪᓚᓱᓐᓂᐊᓗᒃ ᐅᓗᕆᐊᓇᓐᖏᓛᖑᓐᓂᓐᖏᓚᖅ, ᑲᒪᓇᕐᓂᖏᑦᑐᖅ ᑳᑉᑕᖓ, ᐅᒥᐊᕐᔪᐊᓪᓘᓐᓃᑦ ᐱᓚᑦᑐᐃᔨᖓ ᐱᓚᑦᑐᒋᑦ ᐲᖅᓯᖃᑦᑕᑎᓪᓗᒋᑦ ᑯᐊᖅᓯᒪᔪᓂᒃ ᑕᓕᖏᑕ ᓂᐅᖓᑕᓘᓐᓃᑦ ᐃᓚᖏᓐᓂᒃ. ᐊᒥᓱᓪᓗ ᐅᒥᐊᕐᔪᐊᕐᒥᐅᑕᐃᑦ ᐃᓅᒍᓐᓃᐸᓐᓂᕐᒥᔪᑦ ᐱᕐᕈᓗᐊᕿᓂᒃᑯᑦ ᑕᒪᒃᑯᓄᖓ ᓇᓗᓐᓂᒃᑯᑦ ᓂᓪᓕᓇᖅᑐᐊᓗᒻᒧᓐ ᐃᒪᕕᒻᒧᓐ ᐅᕝᕙᓘᓐᓃᑦ ᐊᖅᕕᐅᑉ ᓴᖅᐱᖓᓄᑦ ᓇᓚᐅᑕᐅᒐᐃᒻᒪᑕ. ᑕᐃᒪᐃᒃᑲᓗᐊᖅᑎᓪᓗᒍᓕ ᓯᑰᕕ ᐋᓐᓂᐊᓐᓇᖅ ᑐᖁᓐᓇᓂᖅᐹᖑᓐᓂᖅᐳᖅ ᐊᖅᕕᒐᓱᐊᖅᑎᓄᑦ. 1850 ᓯᕗᓂᐊᒍᑦ, ᐊᒥᓲᓐᖏᑦᑐᑦ ᐊᖅᕕᒐᓱᐊᖅᑏᑦ ᑐᑭᓯᓯᒪᓐᓂᕐᒪᑕ ᓂᕆᖃᑦᑕᕐᓂᑐᐃᓐᓇᖅ ᓄᑖᒥᓂᕐᓂᒃ ᑕᐃᒪᐃᑦᑐᒥᒃ ᐋᓐᓂᐊᓐᓇᕐᒥᒃ ᐋᖅᑮᒍᓐᓇᓛᖑᒻᒪᓐ.
ᐊᖅᕕᒐᓱᐊᕐᓂᕐᒧᓐ ᖃᐅᔨᒪᔨᑕᖅᔪᐊᑦ ᑕᐃᒪᐃᑦᑑᓂᖅᑯᖅ ᐊᑐᖅᓯᒪᓂᖃᓪᓚᕆᑦᑐᖅ ᐱᔪᓐᓇᕐᓂᖃᓪᓚᕆᑦᑐᕐᓗ ᐊᓂᒍᐃᒍᓐᓇᓂᕐᒥᒃ ᑖᒃᑯᓂᖓᓕᒫᕌᓗᒃ ᐅᓗᕆᐊᓇᖅᑐᓂᒃ ᐊᒻᒪᓗ ᑕᕝᕙᓴᐃᓐᓇᖅ ᑲᒪᒍᓐᓇᕐᓗᓂ ᑐᓵᓐᖏᓵᖅᑐᓂᒃ ᐅᒥᐊᕐᔪᐊᕐᒥᐅᑕᕐᓂᒃ ᐅᕝᕙᓘᓐᓃᑦ ᐅᒥᐊᕐᔪᐊᕐᒥᐅᓂᒃ ᐊᖅᓵᖅᓯᓂᐅᓴᔪᓂᒃ ᐅᒥᐊᕐᔪᐊᖓᓂᒃ. ᑕᐃᒃᑯᐊ ᐊᖅᕕᒐᓱᐊᕐᓂᕐᒧᓐ ᖃᐅᔨᒪᔨᑕᖅᔪᐊᒥᓃᑦ ᑳᑉᑕᒥᓃᑦ ᓱᓕ ᐅᓪᓗᒥᒧᑦ ᐃᓕᑕᕆ.ᐅᓯᒪᕗᑦ ᐊᖏᕐᕋᒥᓂᖏᓐᓂ ᓄᓇᓂ: ᐅᐃᓕᐊᒻ ᐱᐊᓂ, ᐅᐃᓕᐊᒻ ᐋᑕᒻᔅ, ᑕᐃᕕᑦ ᐊᒻᒪᓗ ᐋᓕᐊᒃᓵᓐᑐ ᒍᕋᐃᔅ, ᐋᓕᐊᒃᓵᓐᑐ ᐊᒻᒪᓗ ᔮᓐ ᒧᕆ, ᑯᕆᔅᑕᐳ ᐊᒻᒪᓗ ᐃᐊᑦᕗᑦ ᓴᐱᐊᓪ, ᔪᐊᔾ ᑕᐃᓴᓐ, ᔭᐃᒪᔅ ᒪᑦᔅ, ᓯᑦᓂ ᕙᑎᓐᑕᓐ, ᔮᓐ ᐆ. ᓯᐸᐃᓱ, ᔪᐊᔾ ᑰᒧᕐ, ᐊᒻᒪᓗ ᐊᓯᖏᑦ ᕼᐊᓇᓚᒐᓚᒻᒪᕇᑦ ᑲᒪᓇᒻᒪᕆᑦᑐᓂᒃ ᐃᓅᓯᕐᒥᓂ ᐊᑐᖅᓯᒪᔭᕐᒥᓂᒃ ᐅᓂᒃᑳᔅᓴᓖᑦ.