ᐅᕙᓃᑦᑐᑎᑦ : ᐊᖏᕐᕋᖅ » ᖃᑎᒃᑕᓕᒃ

ᖃᑎᒃᑕᓕᒃ

ᖃᑎᒃᑕᓕᒃ (ᐃᓄᒃᑎᑐᑦ ᖃᑎᒃᑕᓕᒻᒥᒃ ᐊᒃᓯᖅᑕᐅᓯᒪᔪᖅ) ᐱᖓᓐᓇᖅᐸᓯᖓᓃᑦᑐᖅ ᓯᔾᔭᖓᑕ ᑲᖏᖅᓱᐊᓘ, ᐅᖓᓯᓗᐊᙱᑦᑐᖅ ᐅᐊᖕᓇᖓᓂᒃ ᕿᒪᐃᕕᐅᑉ. ᑕᒪᒃᑮᓐᓂ ᖃᑎᒃᑕᓕᒃᒥ ᕿᒪᐃᕕᒻᒥᓗ ᐅᑮᕕᐅᕙᒃᑐᒥᓃᓐᓂ, ᐊᑯᓚᐃᑦᑐᒥᒃ ᑲᑎᑉᐸᑦᑐᒥᓃᑦ ᑖᒃᑯᐊ ᐃᓄᐃᑦ ᐊᕐᕕᓂᐊᖅᑏᓪᓗ. ᐅᑯᑎᒎᓇ ᐅᖃᐅᓯᒥᓂᖏᑎᒍᑦ ᐊᐅᓚᒃᓯᔨᕕᓂᐅᑉ ᐅᒥᐊᕐᔪᐊᒥᒃ ᓂᐊᑉᑑᓐ, ᑲᑎᙵᐅᖅᐸᓐᓂᒥᓂᖏᑕ ᐃᓄᐃᑦ ᐅᑮᔪᑦ ᓴᓂᓪᓕᖃᐅᖅᓱᑎᒃ ᐊᕐᕕᓂᐊᖅᑎᓂᒃ:

ᐅᑮᕙᑦᑐᑦ ᐊᒥᓲᓂᖏᑦ 1–ᕼᐊᓐᓇᓚᐃᑦ ᐅᖓᑖᓄᓪᓘᓐᓃᑦ ᐃᓄᐃᓐ ᖃᑎᒃᑕᓕᒻᒥ 1903–1904-ᒧᑦ, ᐊᐃᕕᓕᖕᒥᐅᑦ ᒪᕐᕈᐊᑎᓪᓗᐊᖅᓱᑎᒃ ᐊᒥᓲᓂᖏᑦ ᖃᐃᕐᓂᕐᒥᐅᓂᒃ (Ross 1975: 127-128)

ᑐᓐᓂᓕᖅᓱᖅᓯᒪᔪᖅ ᓇᑦᓯᓕᒻᒥᐅᑕᖅ ᐊᕐᓇᖅ 148 Ko ᑐᓐᓂᓕᖅᓱᖅᓯᒪᔪᖅ ᓇᑦᓯᓕᒻᒥᐅᑕᖅ ᐊᕐᓇᖅ
ᑭᓂᐱᑐ ᐊᕐᓇᐃᑦ ᑲᐃᑉ ᐳᓗᑕᓐᒥ, ᓄᓇᕗᑦ. 130 Ko ᑭᓂᐱᑐ ᐊᕐᓇᐃᑦ ᑲᐃᑉ ᐳᓗᑕᓐᒥ, ᓄᓇᕗᑦ.
ᐅᒥᐊᕐᔪᐊᖅ ᐄᕋ ᐸᕐᓇᓕᖅᑐᖅ ᐅᐱᕐᖓᔅᓵᒥ ᐊᖅᕕᒐᓱᐊᕐᓂᕐᒥᒃ, ᐳ5 54 Ko ᐅᒥᐊᕐᔪᐊᖅ ᐄᕋ ᐸᕐᓇᓕᖅᑐᖅ ᐅᐱᕐᖓᔅᓵᒥ ᐊᖅᕕᒐᓱᐊᕐᓂᕐᒥᒃ, ᐳ5

ᖃᑎᒃᑕᓕᒃ ᓴᓂᐊᓐᓃᖃᓯᐅᑎᒻᒥᔪᖅᑕᐅᖅ Whale Point, ᑲᑎᕕᐅᒐᔪᑉᐸᑦᑐᒥᓂᖅ ᐃᓄᓐᓄᓐ, ᐊᕐᕕᓂᐊᖅᑎᓄᑦ ᑳᐱᑕᐃᓄᑦ ᐃᖅᑲᓇᐃᔭᖅᑎᖁᑎᖏᓐᓄᓪᓗ. ᑕᐃᑲᙵᑦ, ᐊᒥᓱᒐᓚᐃᑦ ᐊᕐᕕᓂᐊᖅᑎᓄᑦ ᐅᒥᐊᑦ ᐊᐅᓚᐸᑦᑐᒥᓃᑦ ᐊᕐᕙᒐᓱᐊᕆᐊᖅᑐᓯᑦᓱᑎᒃ ᐃᖅᑲᓇᐃᔭᖅᑎᓖᑦ ᐃᓄᓐᓂᒃ ᐊᒻᒪᓗ ᒥᐊᓕᒐᒥᐅᓂᒃ ᐅᕝᕙᓘᓐᓃᑦ ᓯᒃᑳᑦᓰᑦ ᐅᒥᐊᖅᑐᖅᑏᑦ

ᓇᕈᓇᑦᑎᐅᑉ ᓵᕈᔅ ᕗᓛᑭᓕᐅᒻ ᓇᔫᑎᓂᒥᓂᖓ ᑕᒫᓂ ᐅᑭᐅᖓᓂ 1865 ᐊᒻᒪᓗ ᑳᐱᑕᐃ ᔪᐊᔾ ᑰᒨᑉ ᐅᑮᒐᔪᑉᐸᓐᓂᒥᓂᖓ ᖃᑎᒃᑕᓕᒻᒥ ᖃᐅᔨᒍᑎᒋᐊᕐᔪᒃᑲᓐᓂᖅᑕᕗᑦ ᖃᐅᑕᒫᑦ ᐃᓅᓇᓱᐊᕐᓂᒥᓂᖏᓐᓂᒃ ᐊᕐᕕᓂᐊᖅᑏᑦ ᐃᖅᑲᓇᐃᔭᖅᑏᑦ ᐃᓄᐃᓪᓗ ᑕᐃᑲᓂ ᑲᑎᑉᐸᒃᑐᒥᓃᑦ.

ᐅᑯᐊ ᑕᒡᒐ ᓵᕈᔅ ᕗᓛᑭᓕᐅᒻ ᐅᖃᐅᓯᖏᑦ ᖃᑎᒃᑕᓕᐅᑉ ᐅᑮᕕᐅᕙᓐᓂᒥᓂᖓᑕ ᒥᒃᓵᓄᑦ, ᐄᐴᑉ ᑎᑎᕋᖅᓯᒪᔭᖏᑦ:

ᑕᕝᕙᓂ ᑲᖏᖅᓱᒥ, 1–ᒪᐃᓕᒥᒃ ᐅᖓᑖᓄᒐᓛᒃ ᐱᖓᓐᓇᖅᐸᓯᖓᓃᙶᖅᑐᖅ ᕿᒪᐃᕕᐅᑉ, ᓯᑕᒪᓐ ᐊᕐᕕᓂᐊᖅᑏᑦ ᓴᓂᐊᓃᑦᑐᑦ ᑭᓴᖅᓯᒪᔪᕕᓃᑦ ᖁᑭᕆᐊᕐᓗᓂ ᐊᑕᐅᓯᐊᕐᓗᓂ ᐅᖓᓯᒌᓐᓂᖓ ᐊᑐᓂᒃ ᐃᒻᒥᓐᓄᑦ ᑕᐃᒫᓪᓗᐊᖅ ᖃᓂᒌᑦᑑᑕᐅᓪᓗᑎᒃ ᓴᓂᐊᓂ Monticello ᐅᑯᐊᖑᓪᓗᑎᒃ ᐅᒥᐊᕐᔪᐊᑦ ᔪᐊᔾ ᐊᒻᒪᓗ ᒥᐊᕆ ᓂᐅ ᓚᓐᑕᓐᒦᙶᖅᓯᒪᔪᖅ, ᕿᕐᓂᖅᑕᖅ ᓇᑦᑐᕋᓕᒃ ᓂᐅ ᐱᐊᑦᕗᐊᑦᒥᒃ, ᐊᒻᒪᓗ ᑲᓐᑯᐊᑕ ᕕᐅᕼᐊᐃᕙᓐᒥᒃ, ᒫᔅ (Concordia of Fairhaven, Mass). ᐊᑐᓂᒃ ᐊᐳᔾᔭᐅᓯᒪᔪᑦ ᐱᖓᓲᔪᖅᑐᓂᒃ ᓯᑕᒪᐅᔪᖅᑐᓂᓪᓘᓐᓃᑦ ᐃᑎᒐᓂᒃ ᐃᔾᔪᓂᓕᒻᒧᓐ ᑎᑭᐅᑎᓯᒪᑲᓴᑦᓯᐊᖅᑐᒥᒃ ᐊᕐᕕᓂᐊᖅᑏᑦ ᖁᑭᐅᑎᖓᑕ ᐃᓂᖓᓄᑦ, ᑳᖓᓂ ᐅᒥᐊᕐᔪᐊᑉ. ᐃᑭᒪᓪᓗᓂ ᐅᒥᐊᕐᔪᐊᒥ ᒫᓐᑎᓯᐊᓗᒥ, ᐊᐅᒫᓗᒃᓴᔭ ᐊᑐᖅᑕᐅᓗᐊᙱᒃᑲᓗᐊᕐᒪᓐ, ᑭᐊᖃᕐᓂᖓ 32–ᑑᒦᑦᑎᑕᐅᕙᑦᑐᒥᓂᖅ ᐅᒥᐊᕐᔪᐊᑉ. (Eber 1989: 27)

ᐊᐃᕕᓕᖕᒥᐅᑕᐃᑦ ᐊᕐᓇᐃᑦ ᑮᓇᖏ ᑐᓐᓂᓖᑦ, ᑲᐃᑉ ᐳᓗᑕᓐ, ᕼᐊᑦᓴᓐ & 92 Ko ᐊᐃᕕᓕᖕᒥᐅᑕᐃᑦ ᐊᕐᓇᐃᑦ ᑮᓇᖏ ᑐᓐᓂᓖᑦ, ᑲᐃᑉ ᐳᓗᑕᓐ, ᕼᐊᑦᓴᓐ &

ᑳᐱᑕᐃ ᔪᐊᔾ ᑰᒧ ᐊᒥᓱᐊᖅᑎᖅᓱᓂ ᐅᑮᓯᒪᔪᖅ ᑕᐃᑲᓂ. 1895–ᒥᒃ 1914–ᒧᑦ, ᐅᑮᓕᓐᓂᕐᒥᔪᖅ ᑳᓐᑕᓐᒥᒃ ᐊᖁᑎᐅᓪᓗᓂ (1895–1896), ᐃᐅᕋᒧᑦ ᐊᖁᑎᐅᓪᓗᓂ (1896–1906) ᐊᒻᒪᓗ ᐅᒥᐊᕐᔪᐊᒧᑦ A.T. Gifford (1907–1912). ᑎᑭᓯᒪᐃᓐᓇᕐᓂᖓ ᑕᒪᐅᖓ ᑳᐱᑕᐃ ᑰᒨᑉ ᖃᐅᔨᒪᔭᐅᓕᕐᓂᕐᒥᔪᖅᑕᐅᖅ ᑲᓇᑕᐅᑉ ᒐᕙᒪᖓᓄᑦ, ᑕᒪᐅᙵᖅᑎᑕᐅᒍᑎᒥᓂᕆᓪᓗᓂᐅᒃ ᐅᒥᐊᕐᔪᐊᑉ ᓂᐊᑉᑑᓐ, ᐊᖁᑕᖓᓂ ᓘᖕ, ᓴᓇᒋᐊᖅᑐᖅᓱᑎᒃ ᓯᕗᓪᓕᖅᐸᒥᒃ ᐸᓖᓯᖃᕐᕕᐅᓂᐊᖅᑐᒥᒃ ᐅᑭᐅᖅᑕᖅᑐᒥ (ᑭᖑᓂᖓᒍᑦ ᑕᐃᔭᐅᕙᓕᖅᑐᒥᓂᖅ ᕈᐃᓪ ᑲᓇᐃᑎᐊᓐ ᐸᓖᓯᒃᑯᑦ) ᑕᐃᑲᓂ ᐅᑭᐅᖓᓂ 1903–1904. ᔪᐊᔾ ᑰᒧ ᖁᕕᐊᒋᔭᖃᖅᐸᑦᑐᒥᓂᖅ ᖃᑎᒃᑕᓕᒻᒥ ᐃᓄᖏᓐᓂᓪᓗ ᐊᔾᔨᓕᐅᕆᓯᒪᓂᖓᓄᑦ ᐊᒥᓱᓂᒃ. ᓄᐊᒃᓯᖃᓯᐅᑎᓯᒪᓐᓂᕐᒥᔪᖅᑕᐅᖅ ᐃᑦᑕᕐᓂᑕᓂᒃ ᓱᓇᒃᑯᑎᒋᔭᐅᕙᑦᑐᕕᓂᕐᓂᒃ ᐃᓚᖏᓐᓂᒃ ᑕᒫᓂ ᑕᑯᔭᒐᖃᕐᕕᖓᓅᕐᓂᐊᖅᑐᓂᒃ ᐊᑐᖅᑕᐅᕙᓚᐅᖅᑐᒥᓃᑦ ᓂᐅ ᔪᐊᒃᒥ ᓴᓇᔪᒥᓂᐅᓪᓗᓂᓗ ᐃᓄᐃᑦ ᑮᓇᖏᑦ ᐊᔾᔨᓕᐅᖅᓱᒋᑦ ᑮᓇᑉᐸᓕᐊᕆᓯᒪᔪᑦ ᐱᐅᓯᖅᓯᐅᕆᔨᐅᑉ ᕗᕌᓐᔅ ᐳᐊᔅ ᐊᑐᖅᑕᐅᖁᔭᖓᓂ.

ᐅᑎᓕᖅᑐᑦ ᓄᓇᒋᕙᑦᑕᒥᓄᑦ ᑲᐃᑉ ᐳᓗᑕᓐᒥ, ᓴᓪᓕᕐᒥ, ᓄᓇᕗᒻᒥ 78 Ko ᐅᑎᓕᖅᑐᑦ ᓄᓇᒋᕙᑦᑕᒥᓄᑦ ᑲᐃᑉ ᐳᓗᑕᓐᒥ, ᓴᓪᓕᕐᒥ, ᓄᓇᕗᒻᒥ

F.N. Monjo ᒥᖅᑯᓕᕆᕕᒃ ᓂᐅᔪᐊᒃᒥ ᒪᑐᐃᖅᓯᔪᒥᓂᖅ ᐊᕐᕕᓕᕆᕕᒻᒥᒃ ᖃᑎᒃᑕᓕᖕᒥ 1913–ᖑᑎᓪᓗᒍ. ᐅᒃᑯᓯᒃᓴᓕᒻᒥ ᓇᐅᔮᒥᓗ ᐊᕐᕕᓕᕆᕕᖏᓐᓃᓚᐅᖅᓱᓂ, ᑳᐱᑕᐃ ᔪᐊᔾ ᑭᓖᕙᓚᓐ (Captain George W. Cleveland) ᐅᑮᔪᒥᓂᖅ 1913–1914–ᒥ. ᑖᓐᓇ ᐊᕐᕕᓕᕆᕕᒃ ᐱᔪᒐᖅᓴᐅᑎᖃᑎᖃᖅᐸᑦᑐᒥᓂᖅ ᑕᐃᒃᑯᓇᖓᑦ ᓂᐅᕕᖅᑎᒃᑯᓐᓄᑦ ᐊᐅᓚᑕᐅᔪᒥᒃ ᒪᑐᐃᕋᑖᖅᑲᒻᒥᒥᓂᕐᒥᒃ ᐃᒡᓗᓕᒑᕐᔪᒻᒥ. ᐊᐅᔭᖓᓂ 1915, ᐅᒥᐊᕐᔪᐊᖅ A.T. Gifford ᐊᐅᓪᓚᖅᑎᑕᒥᓂᖅ ᖃᓪᓗᓐᓂᐊᕈᑎᒋᓯᒪᔭᒥᓂᒃ ᐋᒃᓯᓪᓗᓂ ᖃᑎᒃᑕᓕᖕᒥ ᐊᕐᕕᓕᕆᕕᒻᒧᑦ ᐊᐃᒃᓯᖅᓱᓂᓗ ᐊᕐᕕᐅᑉ ᐅᖅᓱᖓᓂᒃ ᓴᐅᓂᕐᓂᓪᓗ ᒥᖅᑯᓕᓐᓂᓪᓗ ᓄᐊᑕᐅᓯᒪᔪᓂᒃ ᐊᕐᕌᓂᖓᓂᓂᒃ. ᐊᔪᕐᓇᕐᒪᓐ, ᑖᓐᓇ A.T. Gifford ᐅᒥᐊᕐᔪᐊᖅ ᐃᑯᐊᓪᓚᑦᑐᒥᓂᖅ ᐅᑎᖅᐸᓪᓕᐊᓕᖅᓱᓂ, ᐅᓯᖏᓪᓗ ᑎᑭᐅᑎᓚᐅᖅᓯᒪᓐᓂᕋᑎᒃ ᓂᐅ ᓚᓐᑕᓐᒧᓐ. 1915–ᖑᑎᓪᓗᒍ, ᓂᐅᕕᖅᑎᒃᑯᑦ ᐊᕐᕕᒐᓱᐊᕐᓂᖓᓐ ᐃᓱᓕᑦᑐᒥᓂᖅ. ᐊᕐᕙᒐᓱᐊᖃᑦᑕᕈᓐᓃᑎᓪᓗᒋᑦ, ᔪᐊᔾ ᑭᓖᕙᓚᓐ ᐃᖅᑲᓇᐃᔭᖅᑎᕈᖅᑐᒥᓂᖅ ᓂᐅᕕᖅᑎᒃᑯᓐᓄᑦ. ᓱᓕ ᓂᐅᕕᖅᑎᑯᓐᓄᑦ ᐱᓕᕆᔪᕕᓂᖅ ᑕᐃᒃᓱᒨᓇ ᑕᓪᓕᒪᖓᓐᓂ ᓇᕈᓇᕐᓂᐅᑉ.